کرک اگین رپورٹ
عجب اتفاق،ورلڈکپ 2023 کے آغازکے دن عمران خان کی سالگرہ،کپتان پھر تذکروں میں۔کرکٹ کی تازہ ترین خبریں یہ ہیں کہ پاکستان کرکٹ ٹیم کے سابق کپتان عمران خان 71 برس کے ہوگئے۔ان کی 71 ویں سالگرہ جیل کی کال کوٹھری میں آئی ہے۔پاکستان کے وہ لوگ جوکرکٹ سے پیار کرتے ہیں اور کرکٹ سے لگائو رکھتے ہیں۔وہ ان کی سالگرہ پہلے سے کہیں زیادہ دھوم دھام سے منارہے ہیں۔
یہ ایک براتفاق ہے کہ ان کی سالگرہ جس روز آئی،اس روز وہ جیل میں ہیں لیکن دوسرا حسن اتفاق یہ ہے کہ ان کی سالگرہ کے روز ہی کرکٹ ورلڈکپ کا 13 واں ایڈیشن آج سے بھارت میں شروع ہورہا ہے۔پہلے 5 ورلڈکپ میں پاکستان کی نمائندگی کرنے والے سابق کپتان عمران خان نے پاکستان کو 5 ویں ورلڈ کپ 1992 میں چیمپئن بنوایا تھا۔اس ورلڈکپ کی شروعات نے عمران کے یوم پیدائش کے حوالہ سے انہیں مزید یادگار بنادیا ہے۔
عمران خان نے ملک پاکستان کی جانب سے 544 انٹرنیشنل وکٹیں لیں اور 7516 اسکور بنائے۔ان کی قیادت میں پاکستان نے بھارت کو بھارت اور انگلینڈ کو انگلینڈ میں شکست دی۔کئی ایونٹس جیتے،ان میں ورلڈکپ 1992 سر فہرست ہے۔
کرک اگین کی جانب سے عمران خان کو 71 ویں سالگرہ مبارک ہو۔انہیں جلد ازجلد مشکلات سے نجات ملے۔
