ملتان کرکٹ اسٹیڈیم سے کرک اگین رپورٹ۔قسمت نے بروک کی سنچری مکمل کروادی۔پچ کا قصور یا بائولرز بے بس یا سامنے کے کمال بیٹرز۔
ہیری بروک نے بھی سنچری مکمل کرلی ہے۔ایک موقع پر ہیری بروک کا اسکور 78 تھا،عامر جمال کی بال کھیلنے کے چکر میں ان کے بیٹ اور باڈی سے بال گری اور پائوں سے ہوتی تیزی سے وکٹوں کی جانب گئی۔بروک نے روکنے کی ناکام کوشش کی،بال زمین سے رینگتی تیزی سے وکٹوں سے ٹکرائی لیکن بیلز نہیں گریں۔یوں ہیری بروک ناقابل شکست قرار پائے۔
جوئے روٹ کی پاکستان میں پہلی سنچری یونس خان کو بھی پیچھے چھوڑ گئی
پاکستان اور انگلینڈ کے درمیان 3 میچزکی سیریز کا پہلا ٹیسٹ ملتان کرکٹ اسٹیڈیم میں جاری ہے۔تیسرے روز کے آخری سیشن میں روٹ 144 اور بروک 108 پر کھیل رہے تھے۔انگلینڈ کا اسکور 3 وکٹ پر 427 رنز تھا۔
