بھارتی بورڈ کی اہم میٹنگ،جے شاہ کی رخصتی ہورہی یا نہیں۔بورڈ آف کنٹرول فار کرکٹ اِن انڈیا (بی سی سی آئی) یکم دسمبر کو جے شاہ کے آئی سی سی چیئرمین کا چارج سنبھالنے کے ساتھ سیکرٹری کا عہدہ بھرنے کی جلدی میں نہیں ہے۔ 25 ستمبر کو ہونے والی بی سی سی آئی ایپکس کونسل کی میٹنگ میں جے شاہ کی جگہ ایجنڈے پر بھی نہیں ہے۔ بنگلورو میں 29 ستمبر کو ہونے والی سالانہ جنرل میٹنگ اے جی ایم سے پہلے یہ سپریم کونسل کی آخری میٹنگ ہوگی۔

ہ بی سی سی آئی کو 29 ستمبر کی اے جی ایم میں اگلا سکریٹری منتخب کرنے کا موقع ملے گا، جے شاہ مزید دو ماہ تک برقرار رہیں گے۔ پی ٹی آئی کی رپورٹ کے مطابق، نامزد امیدواروں پر بحث بھی ایپکس کونسل کے اجلاس کا حصہ نہیں ہوگی۔

بی سی سی آئی کو نئے سکریٹری کا انتخاب کرنے کے لیے نومبر یا دسمبر میں کسی وقت ایک خصوصی جنرل میٹنگ بلانی ہوگی کیونکہ جے شاہ یکم دسمبر کو آئی سی سی کے چیئرمین کا عہدہ سنبھالیں گے۔