ملتان کرکٹ اسٹیڈیم سے:ملتان کرکٹ اسٹیڈیم،تپتی دھوپ میں پاکستانی کھلاڑیوں کی پریکٹس،بابر توجہ کا مرکز۔پاکستان اور انگلینڈ کی ٹیسٹ سیریز کے سلسلے میں پاکستانی کرکٹ ٹیم نے پریکٹس سیشن میں حصہ لیا ،بابر اعظم سمیت دیگر کھلاڑیوں نے پریکٹس میں حصہ لیا۔
پاکستان اور انگلینڈ کرکٹ ٹیموں کے درمیان تین ٹیسٹ میچوں کی سیریز کے پہلے دو میچوں کے لیے پاکستان اور انگلینڈ کی ٹیمیں ملتان پہنچ چکی ہیں اور پاکستانی ٹیم نے پریکٹس سیشن میں حصہ لیا جس میں کھلاڑی نے بیٹنگ بولنگ اور فیلڈنگ کی پریکٹس کی۔ پاکستانی ٹیم نے پریکٹس سیشن ہیڈ کوچ جیسن گلسپی کی نگرانی میں کیا ،بابر اعظم بھی گراؤنڈ میں چکر لگاتے اور بیٹنگ کی بھر پور پریکٹس کرتے نظر آئے ۔
انگلنڈ کی کرکٹ ٹیم دو دن أرام کے بعد چار اکتوبر کو پریکٹس کا آغازکرے گی ،پاکستان اور انگلینڈ کے درمیان پہلا ٹیسٹ میچ سات اکتوبر سے شروع ہوگا۔ملتان میں شدید گرمی ہے اور درھہ حرارت 40 ڈگری سینٹی گریڈ ہے۔
