ملتان،لندن:کرک اگین رپورٹ۔ملتان ٹیسٹ،انگلینڈ فینز ہوٹل بکنگ منسوخی پر ناراض،پی سی بی نے منفرد بیڑا اٹھالیا۔کرکٹ کی تازہ ترین خبریں یہ ہیں کہ پاکستان کرکٹ بورڈ (پی سی بی ) انگلینڈ کے دورہ پاکستان کے موقع پر ان کے کرکٹ فینز کی رہائش کیلئے انتظامات میں خود ہی مصروف ہوگیا،دنیائے کرکٹ کی تاریخ میں یہ اہنی نوعیت کا منفرد کارنامہ ہے اور یہ یاد رہے کہ یہ ورلڈکپ نہیں ہے بلکہ 2 ممالک کی باہمی سیریز ہے،جس میں 2 درجن انگلش کرکٹ فینز نے آناہے۔
رپورٹس کے مطابق انگلینڈ کے معروف فینز گروپ بارمی آرمی نے ملتان ٹیسٹ میچ کیلئے 3 ماہ قبل ہوٹل کی بکنگ کروائی ،اس وقت 7 اکتوبر سے واحد ٹیسٹ میچ شیڈول تھا لیکن اب ملتان میں 2 ٹیسٹ میچز رکھے گئے ہیں اور پاکستان کرکٹ بورڈ نے دونوں ٹیموں اور دیگر لاجسٹک عملے کییلئے شہر کے 2 بڑے ہوٹل خود ہی بک کروالئے ہیں اور انفرادی بکنگ منسوخ کروائی ہے،جونہی ملتان سے انگلینڈ میں یہ ای میلز گئی ہیں کہ متعلقہ افراد کی بکنگ کینسل ہوگئی ہے تو وہ چیخ پڑے ہیں۔انہوں نے نہ صرف اس دورے بلکہ چیمپئنز ٹرافی کیلئے بھی پاکستان کے بائیکاٹ کی دھمکی دے دی۔
پاکستان بمقابلہ انگلینڈ،تاخیری شیڈول پر بارمی آرمی کا رد عمل،کتنے فینز آئیں گے
نتیجہ میں پاکستان کرکٹ بورڈ حکام نے انفرادی طور پر غیر ملکی فینز اور سیاحوں کیلئے پرائیویٹ بکنگ کا بیڑا اٹھالیا ہے اور اس کے لئے شہر کے اہم اور بڑے گیسٹ ہائوسز سے رابطے کرکے بکنگ کا عمل شروع کیا ہے۔
پاکستان ٹیم 30 ستمبر اور انگلش ٹیم یکم اکتوبر کو ملتان پہنچے گی۔میچز 7 اور 15 اکتوبر سے ملتان کرکٹ اسٹیڈیم میں شیڈول ہیں۔
