ملتان کرکٹ اسٹیڈیم سے کرک اگین رپورٹ۔پاکستان نے انگلینڈ کے خلاف سعود شکیل اور سلمان علی آغا کی شاندار ففٹیز کی وجہ سے انگلینڈ کے خلاف 8 وکٹ پر 518 رنزبنالئے ہیں۔سلمان علی آغا وکٹ پر موجود ہیں۔
ملتان کرکٹ اسٹیڈیم میں جاری پاکستان اور انگلینڈ کے درمیان کھیلے جارہے دوسرے کرکٹ ٹیسٹ میچ کے دوسرے روز صبح پاکستان نے 328 رنز 4 وکٹ سے اننگ شروع کی تو نائٹ واچ مین نسیم شاہ درد سر بن گئے۔انگلش بائولرز کی بے بسی دیکھنے والی تھی جو 90 منٹ تک نسیم شاہ جیسے ٹیل اینڈرز کو مڈل میں برداشت کررہے تھے۔انگلش کیمپ نے آخر کار انہیں پلان کے تحت شکار کیا۔لنگ لیگ کا فیلڈر اندر دائرے میں وکٹ کیپر سے بھی آگے نسیم شاہ کے پیچھے کھڑاکرکے پیسر بریڈن کراس نے انہیں لیگ پر قریب شاٹ پچ بال ڈالی،جسے کھیلنے گئے اور کیچ انکی پیچھے کھڑے لیفٹ سائیڈ پر بروک نے کیچ پکڑا۔نسیم شاہ کیریئر بیسٹ 33 رنز 77 بالز پر بناکر آئوٹ ہوئے۔یہ بریڈن کراس کی پہلی ڈیبیو وکٹ تھی۔لنچ بریک سے قبل انگلینڈ کو اہم ترین وکٹ پاکستان کے وکٹ کیپر بیٹر محمد رضوان کی ملی جو 12 بالز کھیل کر کھاتہ کھولے بناہی پویلین لوٹ گئے۔جیک لیچ کی بال پر کرس واکس نے کیچ پکڑا۔پاکستان کا اسکور اس وقت 6 وکٹ پر 393 رنزتھا۔سلمان علی آغا سعود شکیل کاساتھ دینے آئے تو انگلش بائولرزپھر سے بے بسی محسوس کرنے لگے۔لنچ کے بعد پاکستان نے 397 رنز 6 وکٹ سے اننگ شروع کی تھی۔450 رنزپر جاکر انگلینڈ کو 7 ویں وکٹ ملی،جب سیٹ بیٹر سعود شکیل 177 بالز پر 82 رنزکرکے پویلین لوٹے۔انہوں نے کیریئر کی 7 ویں ہاف سنچری بنائی تھی۔اسپنر شعیب بشیر کی بال پر جوئے روٹ نے سلپ میں شاندار کیچ لیا۔انگلینڈ کو دن کی چوتھی اور پاکستان کی 8 ویں وکٹ 14 رنزکے اضافہ پر اس وقت ملی جب اسکور 464 تھا۔آل رائونڈر عامر جمال جو طویل انجری کے بعد ٹیسٹ کھیل رہے تھے۔وہ7 رنز بناکر کراس کے ہاتھوں ایل بی ڈبلیو قرار پائے۔9 ویں وکٹ پر شاہین شاہ آفریدی نے سلمان علی آغا کو اچھا ساتھ دیا،یہاں سے آغا مزید جارحیت پر اتر آئے۔انہوں نے کیریئر کی 8 ویں ہاف سنچری بنائی۔کیریئر کے 1000 رنز ٹیسٹ رنز بھی مکمل کئے۔۔
پاکستان نے چائے کے وقفہ تک 8 وکٹ پر 138 اوورز میں 8 وکٹ پر 515 رنزبنائے،سلمان علی 79 پر موجود تھے۔بریڈن کراس،گس اٹکسن اور جیک لیچ نے2،2 وکٹیں لیں۔
