لاہور،کرک اگین رپورٹ
پاکستان جونیئر لیگ کا میلہ سج گیا ،ٹرافی بھی آگئی،غیر ملکی پلیئرز بھی اور بڑے استاد بھی،قذافی اسٹیڈیم لاہور میں کرکٹ جونیئرز کا سب سے بڑا میدان کل سے لگنے والا ہے۔
کولن منرو نے کہا ہے کہ مقامی لڑکوں کے ساتھ ٹریننگ کا مزا آیا ہے۔
ایک اور مینٹور ڈیرن سیمی کہتے ہیں کہ پاکستان کے ٹیلنٹ کا معترف ہوں،ہمیشہ پیار ملا،کرکٹ کا جنون ملا،کمال پلیئرز ہیں،اچھا تجربہ ہے۔پاکستان جونیئر لیگ میں دنیا بھر سے کھلاڑی ہیں۔
عمران طاہر بھی مینٹور ہیں،کہتے ہیں کہ پی سی بی نے کو ماحول اور یہ پلیٹ فارم ان جونیئرز کو دیا ہے،میں کبھی سوچ بھی نہ سکتا تھا۔لاہور میرے دل کے قریب ہے۔اپنا تجربہ فراہم کروں گا۔
کوچ شعیب ملک نے کہا ہے کہ جو کچھ میرے پاس ہے،سب دے دوں گا،اصل چیز اعتماد ہے۔وہ میں فراہم کروں گا ۔ چھٹے مینٹور جاوید میاں داد ہیں جو انچارج بھی ہیں اور وہ بھی پیش پیش ہیں۔
