ملتان انٹرنیشنل کرکٹ اسٹیڈیم سے کرک اگین رپورٹ۔پاکستان نے انگلینڈ کے اندازے پھر غلط ثابت کردیئے،لنچ تک حیران کن پرفارمنس۔کرکٹ کی تازہ ترین خبریں یہ ہیں کہ پاکستان انگلینڈ ٹیسٹ سریزکے دوسرے ٹیسٹ میچ کے دوسرے روز پاکستان پہلی اننگ میں بھرپور انداز میں بیٹنگ جاری رکھے ہوئے ہے۔سب کے اندازے اب تک غلط ثابت کردیئے۔ایک بار پھر عامر جمال چٹان بنے ہوئے ہیں۔کھانے کے وقفہ تک میزبان ٹیم نے 8 وکٹ پر 358 رنزبنالئے تھے۔
ملتان کرکٹ اسٹیڈیم میں پاکستان انگلینڈ کی ٹیموں کے مابین ٹیسٹ سریز کے دوسرے دن کے کھیل کا آغاز محمد رضوان 37 اور سلمان علی آغا 5 رنز ناٹ آؤٹ سے شروع کیا۔ محمد رضوان نے چوکا لگا کر آج کے دن اپنی اننگ کو پھر 37 رنز سے جوڑا اور بڑی اننگ کھیلنے میں ناکام ہوگئے اور 41 کے انفرادی سکور برائیڈن کارس کی گیند پر وکٹ کیپر جیمی سمتھ کے ہاتھوں کیچ آؤٹ ہوگئے۔ انہوں نے 97 گیندوں کا سامنا کرتے ہوئے 7 چوکوں کی مدد سے اپنی باری مکمل کی۔ساتویں وکٹ کی شراکت میں 38 رنز بنے، سلمان علی آغا53 گنیدوں 31 رنز بناکر ‘کاٹ بی ہائنڈ’ ہوگئے اور میتھیو پوٹس کا شکار بنے، ان کی اننگ میں 5 چوکے شامل تھے۔ ساجد خان بھی زیادہ دیر مزاحمت نہ کرسکے اور محض 2 کے انفرادی رنز پر جیک لیچ کا شکار بن گئے، ان کا کیچ جوئے روٹ نے تھاما۔اس کے بعد نعمان علی اور عامر جمال نے لنچ تک 13 اوورز تک مزید وکٹ نہیں گرنے دی اور9 ویں وکٹ پر 49 رنزکی شراکت بن چکی ہے۔عامرجمال 37 اور نعمان علی 29 پر کھیل رہے ہیں۔
شروعات پھر اچھی،انجام خداجانے،پہلا دن پاکستان،کامران کے نام،مکی آرتھر کی مبارکباد
اس سے قبل پہلے پہلے دن کامران غلام 118، صائم ایوب 77 ،عبداللہ شفیق 7، کپتان شان مسعود 3، سعود شکیل 4 رنز بنا کر آؤٹ ہوئے۔ مقررہ 90 اوورز میں پاکستان نے 259 رنز بنائے تھے، جبکہ انگلینڈ کی جانب سے جیک لیچ 3 ، برائیڈن کارس ،میتھیو پوٹس نے 2-2 وکٹیں،شعیب بشیر، نے 1وکٹ حاصل کی۔
