بھارتی کرکٹ ٹیم کا ہیڈکوچ،مودی سمیت متعدد رہنمائوں اور کرکٹرز کی درخواستیں جمع

ممبئی،کرک اگین رپورٹ

بھارتی کرکٹ ٹیم کا ہیڈکوچ،مودی سمیت متعدد رہنمائوں اور کرکٹرز کی درخواستیں جمع۔کرکٹ کی تازہ ترین خبریں یہ ہیں کہ بھارتی کرکٹ ٹیم کی ہیڈ کوچنگ کیلئے بی سی سی آئی کو 3 ہزار درخواستیں موصول ہوئی ہیں۔ان میں اہم نام موجودہ بھارتی وزیر اعظم نریندرا مودی اور وزیر داخلہ امیت  شا بھی ہیں۔سچن ٹنڈولکر،ایم ایس دھونی اور گو ٹم گمبھیر بھی ریس میں ہیں۔

بی سی سی آئی نے ٹیم انڈیا کے ہیڈ کوچ کے لیے درخواست کو عام کرنے کا فیصلہ کیا، بہت سے بے ترتیب لوگوں نے مشہور شخصیات اور سیاسی رہنماؤں کے فرضی ناموں کا استعمال کرتے ہوئے فارم بھرے اور درخواستیں جمع کرائیں۔

ٹیم انڈیا کیلئے راہول ڈریوڈ کا عہد ٹی 20 ورلڈکپ کے بعد ختم ہوجائے گا۔