پاک بھارت میچ میں دھمکی،نیویارک میں سکیورٹی کا نیا پلان،اہم تفصیلات
نیویارک،کرک اگین رپورٹ
چند روز قبل ملنے والی دھمکیوں اور گزشتہ روز جاری کیا جانے والاپرتشددپوسٹر سامنے آنے کے بعد امریکا میں تیزی دیکھی گئی ہے۔
ٹی 20 ورلڈکپ 2024 میں پاک بھار میچ کیلئے سکیورٹی کا دائرہ کار وسیع کردیا گیا ہے۔معلوم ہوا ہے کہ حکام کو ابھی تک رپورٹ شدہ خطرے کی پشت پناہی کا کوئی مصدقہ ثبوت نہیں ملا ہے، لیکن آئی سی سی نے کہا کہ نیویارک سمیت پورے ٹورنامنٹ میں سیکیورٹی مضبوط ہوگی۔ آئی سی سی کے ترجمان نے کہا ہے کہ ایونٹ میں ہر ایک کی حفاظت ہماری اولین ترجیح ہے اور ہمارے پاس ایک جامع اور مضبوط سیکیورٹی پلان موجود ہے۔ ہم اپنے میزبان ممالک کے حکام کے ساتھ مل کر کام کرتے ہیں اور عالمی منظرنامے کی مسلسل نگرانی اور جائزہ لیتے ہیں۔
ٹی 20 ورلڈکپ 2024 اور پاک بھارت میچ کیلئے دہشت گردی کی نئی دھمکی
ٹی ٹوئنٹی ورلڈ کپ 2024 میں 9 جون کو بھارت بمقابلہ پاکستان میچ کو دھمکیوں کی اطلاعات کے بعد نیویارک کے آئزن ہاور پارک اسٹیڈیم میں سیکیورٹی کا احاطہ کیا گیا ہے۔اس وقت عوامی حفاظت کا کوئی قابل اعتبار خطرہ نہیں ہے۔آئزن ہاور پارک اسٹیڈیم، جو مین ہٹن سے تقریباً 25 میل مشرق میں واقع ہے، 3 جون سے 12 جون تک آٹھ میچوں کی میزبانی کرے گا، جس میں پاکستان اور بھارت کا ہائی پروفائل مقابلہ بھی شامل ہے۔ ریاست نیویارک کی گورنر کیتھی ہوچول نے اشارہ کیا کہ ان کی انتظامیہ ان کھیلوں کے ہموار انعقاد کو یقینی بنانے کے لیے کئی مہینوں سے قانون نافذ کرنے والے حکام کے ساتھ کام کر رہی ہے۔
