ملتان،کرک اگین رپورٹ۔شان مسعود نے اس بار اننگ ڈکلیئر کے سوال پر کیا کہا۔کرکٹ کی تازہ ترین خبریں یہ ہیں کہ سنچری ٹیم کے کام آئی، اس کی زیادہ خوشی ہے۔شان مسعود۔قومی کرکٹ ٹیم کے کپتان کا کہنا تھا کہ جلد اوپننگ وکٹ گرنے کے بعد دباؤ کا شکار ہونے لگے تھے، بطور ٹیم لیڈر اپنا کردار اداکیا ، سنچری ٹیم کے لئے کا م آئی ۔اس کی زیادہ خوشی ہے، وہ پہلے دن کے بعد اسٹیڈیم میں میڈیا نمائندگان سے گفتگو کر رہے تھے۔
ان کا مزید کہنا تھا کہ موسم کی شدت اپنی جگہ لیکن ہمارا اپنا گیم پلان تھا، انگلینڈ کے ایگریسو کھلینے کی بات کو ان کے خلاف استعمال کر رہے ہیں، ان کی فیلڈنگ کی خامیوں سے فائدہ اٹھا کر چھوٹے چھوٹے سکورر بنائے، جس سے ان کے بائولرز پر پریشر آیا، اور ہم پہلے دن اچھا ٹوٹل بنانے میں کامیاب ہوئے۔
ملتان ٹیسٹ،بابر اعظم روٹھی فارم کو منانے میں پھرناکام،،پہلا دن پاکستان کے نام
اننگ ڈکلئیر کرنے کے سوال میں ان کا کہنا تھا کہ ہمارے مڈل آرڈر بیٹسمن نے جس طرح بیٹنگ کی ہے اس سے ہمارے حوصلے بلند ہیں، گیند تبدیل ہوئی، ابھی ہماری بیٹنگ آرڈر میں محمد رضوان، سلمان علی آغا اور دیگر موجود ہیں، کل پچ کے کی صورت حال کو دیکھتے ہوئے فیصلہ کریں گے،یہ اس لئے تھا کہ بنگلہ دیش کے خلاف ہوم سیریز کے پہلے ٹیسٹ میں انہوں نے اننگ ڈکلیئر کی تھی اور پاکستان ہارگیا تھا۔
