دبئی،کرک اگین رپورٹ
قومی کرکٹر محمد نواز کی آئی سی سی اکیڈمی گراونڈ میں میڈیا سے گفتگو ہوئی ہے۔انہوں نے نسیم شاہ کے حوالہ سے کنفرم نیوز دے دی ہے۔ساتھ ہی بھارت کے خلاف میچ میں کرائے گئے آخری اوور کابھی ذکر کیا ہے۔
اسپن آل رائونڈر کہتے ہیں کہ یو اے ای میں اسپنرر پر بڑی اہم ذمہ داری ہوتی ہے۔ٹی 20 میں اسپنرز کے لئے آخری اوور کرنا آسان نہیں ہوتا لیکن میں بھارت کے خلاف میچ میں پر اعتماد تھا ۔یہ الگ بات ہے کہ جو ہوا سامنے ہے۔
ایشیا کپ 2022،بھارت بھی سپر 4 میں پہنچ گیا
محمدنواز نے آ خری اوور کا ایسا جواز پیش کیا کہ جو ناقابل قبول ہے۔کہتے ہیں کہ میچ کی صورتحال ایسی ہوگئی کہ مجھے آخری اوور کرنا پڑا ،ایسا ہی نہیں تھا بلکہ وسیم اکرم کے بقول یہ بابر اعظم کی ناقص کپتانی کی وجہ سے ہوا ہے۔
محمد نواز نے پاکستانی پیسر کے بارے میں اہم خبر دی ہے۔وہ کہتے ہیں کہ نسیم شاہ کو انجری کا سامنا نہیں ہے انہیں کریمپس پڑے تھے۔ٹیم کا مورال بلند ہے، آئندہ میچز میں بھی اچھی کارکردگی کا مظاہرہ کرنے کی کوشش کریں گے۔
