لندن،کرک اگین رپورٹ۔سردی سے 40 ڈگری،ملتان روانگی سے قبل انگلش کوچز اور کھلاڑی بھڑک اٹھے،شیڈول پر تنقید۔دورہ پاکستان سے کچھ گھنٹے قبل انگلینڈ کے کوچز اور کھلاڑیوں کو اپنے ہی بورڈ سے شدید شکایات ہوگئی ہیں اور پاکستان کے اس قسم کے دورے اور شیڈول کو تنقید کا نشانہ بنادیا ہے۔
اہم بات یہ بھی ہے کہ انگلینڈ دورہ پاکستان میں اپنے عبوری ہیڈ کوچ مارک ٹریسکوتھک کے ساتھ آرہا ہے۔بنیادی ہیڈ کوچ برینڈن میک کولم نہیں آرہے ہیں۔ٹریسکوتھک کہتے ہیں کہ ہم سب جانتے تھے کہ شیڈول کیا تھا۔یہ مثالی نہیں ہے، یقیناً نہیں، لیکن یہ چیزیں بورڈ لیول پر رکھی گئی ہیں۔ آپ اپنے جانے سے پہلے تھوڑا سا مزید وقت اور وقفہ چاہیں گے لیکن یہ ممکن نہیں ہے۔میں جانتا ہوں کہ ہم ملتان جا رہے ہیں، یہاں [برطانیہ میں] ہونے کے مقابلے میں یہاں کا درجہ حرارت 40 ڈگری ہو گا اور ہم فوراً اس میں پھنس جائیں گے۔
پاکستان اور انگلینڈ ٹیموں کی ملتان میں مصروفیات،ٹریننگ کا شیڈول،روٹس اور دیگر معلومات
مارکس ٹریسکوتھک کو امید ہے کہ انگلینڈ سرد سے گرم موسم میں بہتر ابھرے گا کیونکہ وہ اور سات کھلاڑی آسٹریلیا کے خلاف ون ڈے سیریز میں سرد، نم ون ڈے سیریز کی شکست سے براہ راست پاکستان کی 40 ڈگری سینٹی گریڈ گرمی میں جارہے رہے ہیں۔ٹیسٹ سکواڈ اتوار کو برسٹل میں 50 اوور کے فیصلہ کن میچ کے صرف 48 گھنٹے بعد منگل کو ملتان کے لیے روانہ ہو رہا ہے، اس ٹیم کے عبوری ہیڈ کوچ ٹریسکوتھک کے ساتھ ساتھ ٹیسٹ سیٹ اپ میں اسسٹنٹ کوچ بھی ہیں جن میں ہیری بروک، برائیڈن کارس، جارڈن شامل ہیں۔ کاکس، بین ڈکٹ، میتھیو پوٹس، جیمی اسمتھ اور اولی اسٹون ساتھ ہیں۔
