دبئی،کرک اگین رپورٹ
چیمپئنز ٹرافی کا اصل مستقبل ،3آپشنز کے ساتھ آئی سی سی بورڈز میٹنگ کی تصدیق آگئی
آئی سی سی نے 29 نومبر کو بورڈز کا اجلاس طلب کرلیا ہے، امید ہے کہ 2025 کی چیمپئنز ٹرافی کہاں اور کیسے کھیلی جائے گی، اس بارے میں واضح جواب ملے گا۔ بھارت کے پاکستان کا سفر کرنے کے لیے تیار نہ ہونے اور پاکستان کے پیچھے ہٹنے اور ایک ہائبرڈ ماڈل کو اپنانے سے انکار کے ساتھ جو بھارت کو دوسرے ملک میں اپنے میچز کھیلنے کی اجازت دیتا ہے، امکان ہے کہ ممبران سے کسی حل پر ووٹ دینے کے لیے کہا جائے گا۔ میٹنگ ورچوئل ہو گی اور آئی سی سی بورڈ کے اتفاق رائے پر پہنچنے کے بعد حتمی فیصلہ کیا جا سکتا ہے۔
جبکہ آٹھ ٹیموں کے ون ڈے ٹورنامنٹ کے لیے ونڈو 19 فروری سے مارچ کے درمیان مختص کی گئی ہے، آئی سی سی نے تاریخوں یا شیڈول کا باقاعدہ اعلان نہیں کیا ہے۔ عام طور پرعالمی ٹورنامنٹ کے لیے، آئی سی سی نے ماضی میں ایونٹ سے 100 دن پہلے شیڈول کا اعلان کیا ہے۔
تاخیر کی وجہ بھارتی حکومت کا روہت شرما کی ٹیم کو پاکستان جانے کی اجازت دینے سے انکار ہے۔ اس فیصلے سے پندرہ دن پہلے آئی سی سی کو آگاہ کیا گیا تھا۔ پی سی بی نے پاکستان کو2021 میں چیمپئنز ٹرافی کی میزبانی کے حقوق سے نوازا تھا، بعد میں آئی سی سی کو خط لکھا جس میں بی سی سی آئی کی جانب سے دی گئی درست وجوہات کے بارے میں کئی سوالات اٹھائے گئے۔پی سی بی کے ایک عہدیدار کے مطابق انہیں آج تک آئی سی سی کی جانب سے کوئی جواب نہیں ملا ہے۔
پی سی بی کے چیئرمین محسن نقوی پورے ٹورنامنٹ کی میزبانی پاکستان میں تین مقامات پر کرنے کے بارے میں ثابت قدم رہے ہیں۔لاہور، کراچی اور راولپنڈی۔ گزشتہ ہفتے انہوں نے کہا تھا کہ وہ تعطل کو توڑنے کے لیے بی سی سی آئی کے ساتھ بات چیت کے لیے تیار ہوں گے۔ آئی سی سی کے ترجمان نے جمعے کی میٹنگ کی تصدیق کی، لیکن پی سی بی نے ابھی تک کوئی تبصرہ نہیں کیا۔
چیمپئنز ٹرافی کی بریکنگ نیوز ،پاکستان کو نئی پیشکش،جوابی شرط
آئی سی سی بورڈ میں 12 مکمل ممبر ممالک کے نمائندے، ایسوسی ایٹس کے تین نمائندے، آئی سی سی کے چیئرمین اور سی ای او کے ساتھ ایک آزاد ڈائریکٹر شامل ہیں۔ یہ میٹنگ آئی سی سی کے موجودہ سربراہ گریگ بارکلے کی میعاد کے اختتام پر ہو رہی ہے۔ یہ بورڈ کی وہ آخری میٹنگ ہوگی جس کی صدارت وہ کر رہے ہیں،م۔ اس کے بعد اتوار (1 دسمبر) کو ان کی جگہ بی سی سی آئی کے سیکریٹری اور چیمپئنز ٹرافی کے معاملے میں ایک اہم شخصیت جے شاہ لے رہے ہیں۔
نقوی پی سی بی کے چیئرمین، وزیر داخلہ کے طور پر، پاکستان حکومت میں ایک اہم شخصیت بھی ہیں۔ سابق وزیر اعظم (اور کپتان) عمران خان کی جماعت پی ٹی آئی کے سیاسی مظاہروں کو روکنے کی کوشش میں وہ گزشتہ چند دنوں سے اسلام آباد میں مصروف ہیں۔
پاکستان ایک قابل عمل شرط کی منظوری سے ہائبرڈ ماڈل قبول کرے گا
