پرل ۔کرک اگین رپورٹ
پاکستان بمقابلہ جنوبی افریقہ ،ہہلا ون ڈے کل،ٹرافی رونمائی ،رمیزراجہ کا دلچسپ تبصرہ۔
پاکستان کے سابق کرکٹر اور کمنٹیٹر رمیز راجہ کا شاہین آفریدی پر سوال آیا ہے ۔کہتے ہیں کہ
پاکستان کا ون ڈے میچ کل سے شروع ہوگا۔ دو وجوہات کی بنا پر دلچسپ سیریز ہے۔آخری چند ون ڈے اور چیمپیئنز ٹرافی سے پہلے ایک طے شدہ پلیئنگ کمبی نیشن کی طرف دھکیلنا اور اگر وہ جیت گئے تو ٹیسٹ سیریز میں جانے سے ان کا اعتماد بڑھے گا۔ شاہین آفریدی کو ٹیسٹ سیریز کے اسکواڈ کا حصہ نہ دیکھنا عجیب بات ہے۔ جنوبی افریقہ میں نہیں تو کہاں۔
پاکستان اور جنوبی افریقہ کی کرکٹ ٹیموں کے درمیان باہمی ون ڈے سیریز کی 11ویں سیریز کل سے پرل میں شروع ہو رہی ہے۔ تین ایک روزہ میچز کی سیریز کا پہلا میچ کل پاکستانی وقت کے مطابق شام 5 بجے پرل میں شروع ہوگا۔
یہ ایک اہم ترین بات ہے کہ دونوں ممالک کے درمیان اب تک 10 ون ڈے سریز کھیلی جا چکی ہیں اس میں اہم بات یہ ہے کہ جنوبی افریقہ 1991 میں پابندی ہٹنے کے بعد سے کرکٹ دوبارہ سے شروع کی تو اس کے پہلے اور صدی کے آخری عشرے میں دونوں ملکوں کے درمیان باہمی سیریز نہیں ہوئی، البتہ دونوں ٹیمیں کسی نہ کسی ٹورنامنٹ میں سالانہ بنیادوں پہ کھیلتی رہیں۔ کبھی جنوبی افریقہ میں ٹورنامنٹ ہوا کبھی پاکستان میں کبھی تیسرے ملک میں۔
دونوں ممالک کے درمیان پہلی باہمی ون ڈے سیریز 03ـ2002 کے سیزن میں کھیلی گئی جب پاکستان کی ٹیم جنوبی افریقہ کے دورے پر تھی. پانچ میچز کی سیریز میں پاکستان کو چار ایک سے شکست ہوئی۔ اگلی سیریز پاکستان میں ہوئی جو کہ 04ـ2003 کے سیزن میں تھی ۔یہاں بھی پانچ میچز کی سیریز میں جنوبی افریقہ 2ـ3 سے جیتا۔اس کے بعد پاکستان نے جنوبی افریقہ کا دورہ جب کیا 07ـ2006 کے سیزن میں پانچ میچز کی سیریز جنوبی افریقہ تین ایک سے جیتا ۔پھر جنوبی افریقہ نے پاکستان کا دورہ کیا 08ـ2007 میں پاکستان میں پانچ ون ڈے انٹرنیشنل میچز کی سیریز میں جنوبی افریقہ تین دو سے فاتح رہا ۔اس کے بعد پاکستان اور جنوبی افریقہ کے درمیان پانچ ایک روزہ میچز کی سریز متحدہ عرب امارات میں ہوئی جو 11ـ2010 کے سیزن میں تھی. یہاں بھی جنوبی افریقہ تین دو سے کامیاب رہا. پاکستان نے 2013 میں جنوبی افریقہ کا دورہ کیا .پانچ ون ڈے میچز کی سیریز میں اسے تین دو کی شکست ہوئی۔ گویا جنوبی افریقہ مسلسل جیت رہا تھا ۔پاکستان اور جنوبی افریقہ کے درمیان 14ـ2013 کی متحدہ عرب امارات کی پانچ میچز کی سیریز بھی جنوبی افریقہ چار ایک سے جیتا .پھر 14ـ2013 میں ہی پاکستان نے جنوبی افریقہ کا فوری دورہ کیا۔ وہاں تین ایک روزہ میچز کی سیریز کھیلی گئی جو پاکستان نے دو ایک سے جیتی۔ یہ 7 مسلسل سیریز کی شکست کے بعد پہلی سیریز تھی جو پاکستان جنوبی افریقہ خلاف جیتنے میں کامیاب ہوا۔ اس کے بعد پاکستان نے 19ـ2018 میں جنوبی افریقہ میں جو پانچ میچز کی سیریز کھیلی۔ جنوبی افریقہ تین دو سے فتح یاب رہا۔ 2021 میں پاکستان نے آخری دورہ جنوبی افریقہ میں جو تین میچز کی سیریز کھیلی وہ اس نے دو ایک سے جیت لی تو جنوبی افریقہ میں دوسری بار پاکستان جیتا ۔متحدہ عرب امارات میں پاکستان مسلسل ہارا پاکستان میں ہارا۔جنوبی افریقہ کی سرزمین میں پاکستان نے دو سیریز جیتی ہیں۔ اپنے ملک میں اور نیوٹرل مقامات پر پاکستان ناکام رہا ہے ۔
پاکستان اور جنوبی افریقہ کے درمیان تین میچوں کی سیریز کا پہلا ون ڈے انٹرنیشنل کل پارل کے بولینڈ پارک میں کھیلا جائے گا۔ دوسرا میچ 19 دسمبر کو نیولینڈز کیپ ٹاؤن اور تیسرا میچ 22 دسمبر کو وانڈررز جوہانسبرگ میں ہوگا۔ تینوں میچز پاکستانی وقت کے مطابق شام پانچ بجے شروع ہونگے۔
جنوبی افریقہ نے پاکستان کے خلاف ٹی ٹوئنٹی سیریز دو صفر سے جیتی ہے۔ ون ڈے سیریز دونوں ٹیموں کے لیے بہت اہمیت کی حامل ہے کیونکہ وہ فروری اور مارچ 2025 میں ہونے والی آئی سی سی چیمپئنز ٹرافی کے لیے اپنی تیاریوں کو بہتر بنانا چاہتی ہیں۔
پاکستان کے اسکواڈ میں فاسٹ بولر نسیم شاہ، اوپنر عبداللہ شفیق اور ٹاپ آرڈر بیٹر کامران غلام کی واپسی ہوئی ہے جبکہ لیفٹ آرم لیگ اسپنر سفیان مقیم اور عثمان خان پہلی بار ون ڈے اسکواڈ کا حصہ بنے ہیں۔ محمد رضوان کی بحیثیت کپتان یہ تیسری ون ڈے سیریز ہوگی اس سے قبل انہوں نے آسٹریلیا اور زمبابوے کے خلاف ون ڈے سیریز جیتی ہیں ۔
ون ڈے انٹرنیشنل میں پاکستان نے اپریل 2021 میں جنوبی افریقہ میں تین میچوں کی سیریز 2-1 سے جیتی تھی۔
کپتان محمد رضوان کا کہنا ہے کہ آئی سی سی چیمپئنز ٹرافی کے لیے ہماری تیاریوں کے لحاظ سے یہ ایک اہم ون ڈے سیریز ہے اور مجھے یقین ہے کہ کھلاڑی آسٹریلیا کے خلاف تاریخی سیریز میں جیت کے بعد اپنی کارکردگی کو دوہرائیں گے۔
ہم ٹی ٹوئنٹی سیریز میں مطلوبہ نتائج حاصل نہیں کر سکے لیکن میں ان کنڈیشنز میں ہمارے کھلاڑیوں کی کارکردگی سے بہت خوش ہوں خاص طور پر صائم کی بیٹنگ دونوں میچوں میں شاندار تھی۔ ہماری بیٹنگ اور بولنگ ، ایک مکمل طاقت والی جنوبی افریقی ٹیم کو چیلنج کرنے اور اللہ تعالیٰ کی مدد سے سیریز جیتنے کی صلاحیت رکھتی ہے۔
مجھے اپنے ون ڈے اسکواڈ میں نوجوان اور تجربہ کار کھلاڑیوں کے ساتھ بہت زیادہ صلاحیت نظر آتی ہے جو قدم آگے بڑھانے کے لیے تیار ہیں جس سے نہ صرف اس سیریز میں بلکہ آنے والی ہوم سہ فریقی اور میگا ایونٹ کے لیے بھی ہمارے لیے اچھا موقع ہے۔
پاکستان ون ڈے اسکواڈ: محمد رضوان (کپتان اور وکٹ کیپر ) عبداللہ شفیق، ابرار احمد، بابر اعظم، حارث رؤف، کامران غلام، محمد حسنین، محمد عرفان خان، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم طیب طاہر اور عثمان خان( وکٹ کیپر) ۔
جنوبی افریقہ ون ڈے اسکواڈ: ٹیمبا باووما (کپتان) ایڈن مارکرم اینڈیل فیلووایو، ڈیوڈ ملر، ہینرک کلاسن (وکٹ کیپر) کیگیسو ربادا، کیشوو مہاراج، کے وینا مافاکا، مارکو جینسن، اوٹنیل بارٹمین، راسی وان ڈر ڈوسن، رائن رکلٹن ، تبریزشمسی، ٹونی ڈی زورزی اور ٹرسٹن اسٹبس۔
میچوں کا شیڈول: ( پاکستانی وقت کے مطابق ) ۔
17 دسمبر – پہلا ون ڈے بولینڈ بینک پارک، پارل
19 دسمبر – دوسرا ون ڈے نیو لینڈز کرکٹ گراؤنڈ، کیپ ٹاؤن
22 دسمبر – تیسرا ون ڈے دی وانڈررز اسٹیڈیم جوہانسبرگ
26 دسمبر – پہلا ٹیسٹ ۔سپر اسپورٹ پارک، سنچورین میں
3 جنوری – دوسرا ٹیسٹ نیو لینڈز کرکٹ گراؤنڈ، کیپ ٹاؤن
دونوں ممالک کی مجموعی کارکردگی کو دیکھا جائے تو بھی جنوبی افریقہ کو برتری حاصل ہے۔ اب تک کھیلے گئے 83 ایک روزہ میچز میں پاکستان 30 جیت چکا ہے ۔جنو بی افریقہ نے 52 میچ جیتے ہیں۔ ایک میچ بے نتیجہ رہا۔ تو یہاں بھی کوئی مقابلہ نہیں ہے ۔
ملک درمیان اخری ون ڈے میچ گزشتہ سال 2023 کے ون ڈے ورلڈ کپ میں ہوگا جو 27 اکتوبر کو چینئی میں کھیلا گیا وہاں جنوبی افریقہ سنسنی خیز مقابلے کے بعد ایک وکٹ سے جیتا اور پاکستان اسی شکست کے بعد سیمی فائنل سے کنفرم باہر ہوا پاکستان نے جنوبی افریقہ کے خلاف اخری ونڈے میں جیتا تھا سات اپریل 2021 کو جب اس نے 28 رنز سے فتح حاصل کی تھی جنوبی افریقہ اپنے ملک میں اسی سیریز کے دوران چار اپریل کو جہانس برگ میں 17 رنز سے کامیاب ہوا تھا تو یہ دونوں ممالک کے درمیان اب تک کے اخری تین میچز کا احوال تھا۔
چیمپینز ٹرافی قریب ہے اور چیمپینز ٹرافی کی تیاری کے لیے یہ سال اور یہ سریز نہایت اہم ہیں۔ پاکستان اس سال کی اپنی آخری ون ڈے سیریز کھیل رہا ہے۔ اس سے قبل اس نے دو ون ڈے سیریز کھیلی ہیں اور دونوں جیتی ہیں۔ آسٹریلیا کو آسٹریلیا میں ہرایا ۔دو ایک سے اور 22 برس بعد اس ملک میں وہ ون ڈے سیریز جیتا۔ اسی مارجن سے پاکستان دو ایک سے زمبابوے میں جیتا ہے۔ یہاں یہ بات ضروری ہے کہ پاکستان نے جنوبی افریقہ میں جو آخری سیریز 2021 میں جیتی تھی ۔اس میں اس کے اہم ترین کھلاڑی آئی پی ایل کے لیے چلے گئے تھے ۔اس وجہ سے فخر زمان بھی وہاں موجود تھے اور پاکستان کو بہت مدد ملی تھی۔ ابھی اس ون ڈے سیریز سے قبل جو ٹی 20 سیریز کھیلی گئی۔ اس میں جنوبی افریقہ کے ٹاپ چھ کھلاڑی نہیں تھے۔ پاکستان کی پوری سٹرینتھ موجود تھی لیکن پاکستان فائدہ اٹھانے میں ناکام رہا۔ یوں کہا جا سکتا ہے کہ جنوبی افریقہ کی موجودہ کرکٹ ٹیم پاکستان کے خلاف اس وقت زیادہ فیورٹ ہے۔ ایک روز ہ ون ڈے کرکٹ کا فارمیٹ ایسا ہے جس میں صبر ،قسمت ساری چیزیں ساتھ چلتی ہیں۔ پاکستان کو چیمپینز ٹرافی سے قبل اس سیریز کو جیتنا ہوگا تاکہ وہ چیمپینز ٹرافی کے لیے ایک فیورٹ کے طور پر اپنے ملک میں جائے۔
