ٹیسٹ کرکٹ کی 147 سالہ تاریخ میں نیا ریکارڈ،مصباح اور اظہر علی سلہٹ ٹیسٹ میں ہائی لائٹ
سلہٹ،کرک اگین رپورٹ
ٹیسٹ کرکٹ کی 147 سالہ تاریخ میں نیا ریکارڈ،مصباح اور اظہر علی سلہٹ ٹیسٹ میں ہائی لائٹ۔کرکٹ کی تازہ ترین خبریں یہ ہیں کہ سری لنکا بنگلہ دیش ٹیسٹ میچ کے 3 دن کا خلاصہ یہ ہے کہ میزبان ملک ایک بڑی شکست کے دہانے پر ہے۔سری لنکا نے پہلی اننگ میں 280 رنزبنائے تھے۔جواب میں بنگلہ دیشی ٹیم صرف 188 پر آئوٹ ہوکر 92 رنزکے خسارے میں گئی۔سری لنکا نے دوسری اننگ میں 418 اسکور بناڈالے۔یوں اس نے 511 رنزکا ناقابل تعاقب ہدف سیٹ کیا۔اس کے تعاقب میں میزبان ٹیم کے5 کھلاڑی دوسری باری میں صرف 47 پر پویلین لوٹ گئے ہیں،ایک بڑی شکست دہانے پر ہے۔
ٹیسٹ کرکٹ کی 147 سالہ تاریخ میں نیا ریکارڈ بن گیا،اس کے ساتھ ہی دیگر ریکارڈز بھی لپیٹ میں آگئے ہیں۔سلہٹ میں جاری بنگلہ دیش سری لنکا ٹیسٹ میں مصباح الحق اور اظہر علی کا ذکر بھی ہمیشہ کیلئے جڑا ہے۔ایساکیا ہوا کہ 147 سالہ ٹیسٹ ہسٹری میں نئے باب کا اضافہ ہوا۔ساتھ میں پاکستانی پیئرزکا نام بھی اجاگر ہوا ہے۔
سلہٹ انٹرنیشنل کرکٹ اسٹیڈیم میں جاری بنگلہ دیش بمقابلہ سری لنکا کے پہلے ٹیسٹ میں سری لنکا کے ابھرتے ہوئے بیٹر کامندو مینڈس نے کرکٹ کی تاریخ کی کتابوں میں اپنا نام درج کر لیا ہے۔25 سالہ بائیں ہاتھ کے بلے باز نے ایک نادر کارنامہ انجام دیا، وہ ٹیسٹ میچ میں نمبر 7 یا اس سے کم پر جڑواں سنچریاں بنانے والے پہلے کھلاڑی بن گئے، یہ انہوں نے صرف اپنے دوسرے ٹیسٹ میں کردیا۔ پہلی اننگز میں اپنی پہلی ٹیسٹ سنچری بنائی اور اس کے بعد دوسری اننگز میں ایک اور شاندار سنچری بنائی، بالترتیب 7 اور 8 پوزیشن پر بیٹنگ کی۔ سری لنکا کے کپتان دھننجایا ڈی سلوا نے بھی دونوں اننگز میں سنچریوں کے ساتھ اہم کردار ادا کیا، جس نے ٹیم کی بیٹنگ کے غلبے کو مزید اجاگر کیا۔
یہ ٹیسٹ کرکٹ کی تاریخ میں صرف تیسرا واقعہ ہے جہاں دو بلے بازوں نے ایک ہی میچ میں جڑواں سنچریاں بنائی ہیں۔ اس سے پہلے کی مثالوں میں 2014 میں آسٹریلیا کے خلاف اظہر علی اور مصباح الحق اور 1974 میں نیوزی لینڈ کے خلاف ایان چیپل اور گریگ چیپل شامل ہیں۔مینڈس کے کارنامے کی اہمیت اس حقیقت سے مزید اجاگر ہوتی ہے کہ انہوں نے اپنی پہلی دو سنچریاں صرف تین اننگز میں مکمل کیں، جس سے وہ ٹیسٹ کرکٹ کی تاریخ میں یہ سنگ میل مکمل کرنے والے سب سے تیز کھلاڑی بن گئے۔دنیا بھر میں کرکٹ شائقین مینڈس کی اس تاریخی کامیابی پر جوش و خروش سے دوچار ہیں، جو ٹیسٹ کرکٹ کی 147 سالہ تاریخ میں ایک قابل ذکر لمحہ ہے۔
