افغانستان کرکٹ ٹیم پر بھی انجری کےسائے،ایک باہر،ٹیم لاہور پہنچ گئی

لاہور۔کرک اگین رپورٹ۔افغانستان کرکٹ ٹیم پر بھی انجری کےسائے،ایک باہر،ٹیم لاہور پہنچ گئی۔کرکٹ کی تازہ ترین خبریں یہ ہیں کہ افغانستان کی کرکٹ ٹیم آئی سی سی چیمپئنز ٹرافی میں حصہ لینے لاہور پہنچ گئی۔افغانستان کی ٹیم پہلی بار آئی سی سی چیمپئینز ٹرافی میں حصہ لے رہی ہے۔ٹیم کی قیادت حشمت اللہ شاہدی کر رہے ہیں۔افغانستان کا پہلا میچ 21 فروری کو جنوبی افریقہ کے خلاف کراچی میں ہوگا۔

افغانستان کو چیمپئنز ٹرافی سے قبل ایک بڑا دھچکا لگا کیونکہ اس کے اسپنر اے ایم غضنفر انجری کے باعث ٹورنامنٹ سے باہر ہو گئے ہیں۔دائیں ہاتھ کے آف اسپنر، جنہوں نے ساتھی فنگر اسپنر مجیب الرحمان کی جگہ مارکی ٹورنامنٹ کے اسکواڈ میں شامل کیا،باہر ہوگئے ہیں۔

ریزرو کھلاڑیوں میں شامل ننغائل خروتی کو چیمپئنز ٹرافی کے اسکواڈ میں شامل کر لیا گیا ہے۔افغانستان کرکٹ بورڈ نے یہ بھی کہا ہے کہ مجیب الرحمٰن مکمل فٹ ہونے تک ون ڈے کرکٹ نہیں کھیلیں گے۔