ایشیا کپ منسوخ ،بھارت کے دورہ بنگلہ دیش کے ختم کئے جانے کے بڑے دعوے آگئے

کرک اگین سپیشل رپورٹ۔ایشیا کپ منسوخ ،بھارت کے دورہ بنگلہ دیش کے ختم کئے جانے کے بڑے دعوے آگئے،کرکٹ کی تازہ ترین خبریں یہ ہیں کہ پاکستان بھارت کی جاری کشیدگی میں نیا رنگ آنے کو ہے۔بھارتی میڈیا کے ایک ٹاپ حصے نے اس سال کے ایشیا کپ کی منسوخی کے ساتھ بھارت کے دورہ بنگلہ دیش کے منسوخی کے امکان کو بڑھاوا دیا ہے۔

یہی نہیں،ایشیا کا مشہور زمانہ ایونٹ ایشیا کپ 2025 ستمبر میں سری لنکا یا متحدہ عرب امارات میں شیڈول ہے۔،حتمی مقام کا فیصلہ اس ماہ ہونا تھا،یہ بھی ملتوی ہوگیا ہے اور اب رپورٹ کے مطانق بھارت اس ایشیا کپ میں پاکستان کے خلاف نہیں کھیلے گا۔یہ ایونٹ اگلے سال فروری مارچ 2026 کے ورلڈ ٹی 20 کپ کی تیاری کا حصہ ہے۔اب بھارت پاکستان مقابلہ کے بغیر اس ایشیا کپ کے انعقاد کا کوئی مقصد نہیں،کوئی امکان نہیں،براڈ کاسٹرز کے معاہدے ان میچز کی وجہ سے ہیں۔

ٹائمز آف انڈیا کے مطابق بورڈ آف کنٹرول فار کرکٹ ان انڈیا (بی سی سی آئی) کو پاکستان کے خلاف کھیلنے کے لیے گرین سگنل نہیں دیا جا سکتا ہے۔22 اپریل کو پہلگام دہشت گردانہ حملے کے بعد دونوں ملکوں کے تعلقات انتہائی خراب ہیں۔ ایسے حالات میں اس بات کی ضمانت نہیں ہے کہ ہندوستانی حکومت بی سی سی آئی کو ایشیا کپ میں پاکستان کے خلاف کھیلنے کی اجازت دے گی۔ایشیا کپ 2025 واحد کرکٹ ایونٹ نہیں ہے جس کو خطرہ ہے۔ ریٹائرڈ میجر جنرل اے ایل ایم فضل الرحمان کے کچھ اشتعال انگیز تبصروں کے بعد، جہاں انہوں نے کہا کہ بنگلہ دیش کو بھارت کی شمال مشرقی ریاستوں پر قبضہ کرنے کے بارے میں سوچنا چاہیے، وہیں بنگلہ دیش کے بھارت کے وائٹ بال ٹور کا مستقبل بھی بادلوں کے نیچے ہے۔ٹیم انڈیا کو 17 سے 31 اگست تک بنگلہ دیش میں 3 ون ڈے اور 3 ٹی 20 کھیلنا ہے۔ یہ پہلی بار مین ان بلیو بنگلہ دیشی سرزمین پر کوئی ٹی 20 انٹرنیشنل سیریز کھیلے گی۔ لیکن اس کے لیے انتظار کرنا پڑ سکتا ہے۔ ان تبصروں کے بعد، امکان ہے کہ بی سی سی آئی کو دورہ منسوخ کرنا پڑے۔یہ دورہ کیلنڈر کا حصہ ہے، لیکن ابھی تک کچھ بھی حتمی نہیں ہے۔ موجودہ صورتحال کی وجہ سے ہندوستان کے ون ڈے اور ٹی ٹوئنٹی کے لیے بنگلہ دیش کا دورہ نہ کرنے کا روشن امکان ہے۔