چیمپئنز ٹرافی،موت کے گروپ میں افغانستان کے چانسز،سب خطرے میں

لاہور،کرک اگین رپورٹ۔چیمپئنز ٹرافی،موت کے گروپ میں افغانستان کے چانسز،سب خطرے میں۔کرکٹ کی تازہ ترین خبریں یہ ہیں کہ افغانستان کرکٹ ٹیم چیمپئنز ٹرافی 2025 میں کہاں تک جاسکتی ہے۔اس پر کوئی بھی محتاط تبصرہ کرے تو اسے نظرانداز کرنا مشکل قرار دیا جاسکتا ہے،اس لئے کہ اس کے پاس سپن اٹیک ہے اور پھر گزشتہ سال اس نے ٹی 20 ورلڈکپ 2024 کا سیمی فاینل بھی کھیل رکھا ہے۔

افغانستان اپنا پہلا میچ 21 فروری کو کرچی کے نیشنل اسٹیڈیم میں جنوبی افریقہ سے کھیلے گا۔ اس کے بعد وہ بالترتیب 26 اور 28 فروری کو قذافی اسٹیڈیم میں انگلینڈ اور جنوبی افریقہ کا مقابلہ کرنے لاہور جائیں گے۔افغانستان کو موت کے گروپ میں رکھا گیا ہے جس میں آسٹریلیا، انگلینڈ اور جنوبی افریقہ شامل ہیں۔ سابق بھارتی کرکٹر چوپڑا کا خیال ہے کہ گروپ مرحلے کی سخت فہرست کے باوجود افغانستان کے پاس لامحدود مواقع ہیں۔ انہوں نے تجویز پیش کی کہ افغانستان کے پاس انگلینڈ کو پریشان کرنے کا بہت اچھا موقع ہے۔انگلینڈ کے بارے میں سوچیں۔ انگلینڈ کو اسپن کھیلنا بالکل بھی نہیں آتا۔ یہ مت پوچھیں کہ ان کی حالت کتنی خراب ہے۔ وہ سیدھی گیندوں کو صحیح طریقے سے کھیلنے سے قاصر ہیں۔

چیمپیئنز ٹرافی بائیکاٹ مطالبوں پر افغانستان کا پہلا سخت رد عمل،ٹیم 12 فروری کو پاکستان پہنچے گی

اسی طرح چوپڑا نے نشاندہی کی کہ افغانستان آسٹریلیا اور جنوبی افریقہ کی طرح کو بھی پریشان کر سکتا ہے۔ جہاں آسٹریلیا کو انجری کی وجہ سے کپتان پیٹ کمنز، جوش ہیزل ووڈ اور مچل مارش کی کمی محسوس ہوگی، وہیں آل راؤنڈر مارکس اسٹوئنس کی فارمیٹ سے غیر وقتی ریٹائرمنٹ نے ان کی ٹیم کو قدرے تنزلی کا شکار کردیا۔ایسا ہی معاملہ جنوبی افریقہ کا بھی ہے۔ ان کا آئی سی سی ایونٹس میں پچھلے کچھ عرصے سے شاندار ریکارڈ رہا ہے، وہ آخری مراحل تک پہنچ چکے ہیں، لیکن سچ یہ ہے کہ وہ اسپن کے خلاف بھی ہتھیار ڈال سکتے ہیں۔ ہینرک کلاسن، ڈیوڈ ملر اور ایڈن مارکرم اچھا کھیلتے ہیں لیکن وہ پھنس سکتے ہیں۔

افغانستان ٹیم چیمپئنز ٹرافی 2025 کیلئے 12 فروری کو پاکستان پہنچے گی۔