کرک اگین رپورٹ۔کرکٹ رائونڈ اپ،نقوی کے خلاف عدم اعتماد،پاکستان کو ہسٹری میں دوسری شکست،افغانستان بھی ہارگیا۔کرکٹ کی تازہ ترین خبریں یہ ہیں کہ بنگلہ دیش نے افغانستان کے خلاف پہلا ٹی 20 امٹرنیشنل میچ 4 وکٹ سے جیتا ہے۔شارجہ میں افغانستان نے 9 وکٹ پر 151 رنزکئے۔ٹائیگرز نے ہدف 8 بالز قبل 6 وکٹ پر پورا کیا ہے۔
ایشیا کپ تنازع بڑھ رہا ہے۔بھارت نے اے سی سی کے صدر محسن نقوی کیخلاف عدم اعتماد کی تیاری شروع کردی ہے۔چھوٹے ممالک پر اچھا دبائو ہے۔
بنگلہ دیش کے کوچ سرور عمران معمولی فالج کا شکار ہونے کے بعد کام پر واپس آگئے۔بدھ کو ٹیم کی تربیت میں شرکت کی تھی اور اس کھیل کے دوران بنگلہ دیش کی پاکستان کے خلاف سات وکٹوں کی جیت میں تھے۔آئی سی سی ویمنز ورلڈ کپ کرکٹ کپ ٹورنامنٹ.بنگلہ دیش ویمنز کرکٹ ٹیم نے پاکستان ویمنز کرکٹ ٹیم کو 7 وکٹوں سے ہرادیا۔آئی سی سی ویمنز ورلڈ کپ میں بنگلہ دیش ویمنز نے پاکستان ویمنز کو 7 وکٹوں سے شکست دیدی۔یہ 17 ویمنز ون ڈے انٹرنیشنل میچوں میں بنگلہ دیش کی پاکستان کے خلاف 8 ویں کامیابی ہے۔پاکستان نے بھی 8 میچ جیتے ہیں۔ایک میچ ٹائی ہوا ہے۔اہم بات یہ ہے کہ ورلڈکپ تاریخ میں پاکستان دوسری بار بنگلہ دیش ویمنز سے ہاراہے۔پہلی بار ساڑھے 3 برس قبل ہیملٹن میں شکست ہوئی تھی۔
جمعرات کے روز کولمبو کے پریماداسا سٹیڈیم میں فاطمہ ثنا نے اپنے 50 ویں ون ڈے انٹرنیشنل میں ٹاس جیت کر پہلے بیٹنگ کا فیصلہ کیا۔پاکستان ویمنز 38 اعشاریہ 3 اوورز میں 129 رنز بناکر آؤٹ ہوگئی۔
جواب میں بنگلہ دیش ویمنز نے 31 اعشاریہ ایک اوورز میں 3 وکٹوں پر مطلوبہ سکور پورا کرلیا۔پاکستان کی اننگز کے پہلےہی اوور میں معروفہ اختر نے لگاتار گیندوں پر عمیمہ سہیل ( صفر ) اور سدرہ امین ( صفر ) کو آؤٹ کردیا۔وقفے وقفے سے گرنے والی وکٹوں کی وجہ سے پاکستان ٹیم بڑے سکور تک پہنچنے میں کامیاب نہ ہوسکی۔رامین شمیم نے دو چوکوں کی مدد سے 23 رنز بنائے اور 17 رنز سکور کرنے والی منیبہ علی کے ساتھ تیسری وکٹ کی شراکت میں 42 رنز کا اضافہ کیا۔
سدرہ نواز 15 اور عالیہ ریاض 13 رنز بناکر آؤٹ ہوئیں۔ کپتان فاطمہ ثنا نے22 رنز کی اننگز کھیلی۔ ڈیانا بیگ 16 رنز بناکر ناٹ آؤٹ رہیں۔
لیگ سپنر شورنا اختر سب سے کامیاب بولر رہیں انہوں نے صرف 3 رنز دے کر3 وکٹیں حاصل کیں جو ان کی کریئر بیسٹبولنگ ہے۔ معروفہ اختر اور ناہیدہ اختر نے دو دو کھلاڑیوں کو آؤٹ کیا۔بنگلہ دیش کی اننگز میں اپنا پہلا ون ڈے انٹرنیشنل کھیلنے والی روبیعہ حیدر نے عمدہ بیٹنگ کرتے ہوئے 8 چوکوں کی مدد سے54 رنز بنائے اور وہ ناٹ آؤٹ رہیں۔ کپتان نگار فاطمہ نے 5 چوکوں کی مدد سے 23 رنز کی اننگز کھیلی۔دونوں نے تیسری وکٹ کی شراکت میں 62 رنز کا اضافہ کیا۔سبحانہ موستری نےآؤٹ ہوئے بغیر 24 رنز سکور کیے جس میں چھ چوکے شامل تھے۔پاکستان کی طرف سے ڈیانا بیگ رامین شمیم اور فاطمہ ثنا نے ایک ایک وکٹ حاصل کی۔پاکستان ویمنز ٹیم اپنا دوسرا میچ 5 اکتوبر کو انڈیا ویمنز کے خلاف کولمبو میں کھیلے گی۔
ہرارے میں آئی سی سی کے افریقہ کوالیفائرز کے دوسرے سیمی فائنل میں کینیا کو شکست دینے کے بعد زمبابوے نے 2026 کے مردوں کے ورلڈ کپ میں شمولیت اختیار کی۔ اس سے پہلے دن میں، نمیبیا نے تنزانیہ کو اپنے سیمی فائنل مقابلے میں اسی مقام پر بغیر کسی ہنگامے کے شکست دے کر کوالیفائی کیا تھا۔
ویمنز ورلڈ کپ 2025: ہندوستان بمقابلہ پاکستان کشیدگی کے درمیان بی سی سی آئی نے مصافحہ کی پالیسی کو واضح کیا۔
احمد آباد میں ویسٹ انڈیز کی ٹیم 2 میچز کی سیریز کے پہلے ٹیسٹ کی پہلی اننگ میں صرف 162 رنزبناکر آئوٹ ہوئی۔بھارت نے پہلے دن کے اختتام تک 2 وکٹ پر 121 رنز بنالئے تھے۔
آئی سی سی ویمنز ورلڈکپ میں جمعہ 3 اکتوبر کو انگلینڈ کا میچ جنوبی افریقا سے ہے۔
