ملتان ٹیسٹ کے دوسرے روز ویسٹ انڈیز نے کھانے کے وقفے تک5 وکٹوں کے نقصان پر 129 رنز بنالئے، مجموعی برتری 138 رنز کی ہوگئی ہے۔
کپتان کریگ بریتھویٹ 52،عامر جانگو 30 کے ساتھ نمایاں رہے۔پاکستان بمقابلہ ویسٹ انڈیز ٹیسٹ سیریز کے دوسرے میچ کے دوسرے روز اپنی دوسری اننگ میں مہمان ٹیم نے کم سے کم دوسرے روز میچ ختم ہونے کا تاثر کسی حد تک ختم کردیا ہے۔
دوسرے روز ویسٹ انڈیز نے اپنی دوسری اننگ کا آغاز کیا تو اوپنر بلے بازوں نے محتاط انداز اختیار کیا اور 50 رنز کا اوپننگ سٹینڈ فراہم کیا، مائیکل لوئس 7 رنز بناکر نعمان علی کی گیند پر شان مسعود کے ہاتھوں کیچ آؤٹ ہوئے۔
سکور کارڈ کو آگے بڑھاتے ہوئے کپتان کریگ بریتھویتھ نے ٹیسٹ کرئیر کی 31 ویں نصف سنچری مکمل کی، جسمیں 2 چھکے اور 4 چوکے شامل تھے۔عامر جانگو کے ساتھ ملکر مجموعہ 92 تک پہنچایا ، نعمان علی کی بال پر شاٹ کھلینے کےلئے کریز سے باہر نکلے اور محمد رضوان کی برق رفتاری کا شکار ہوئے اور اسٹمپ آؤٹ ہوگئے۔
تیسری وکٹ عامر جنگوکی صورت میں گری، جنہوں نے 30 رن سکور کیے اور ساجد خان کی بال پر سلمان علی آغا کو کیچ دے بیٹھے،ان کی اننگ مین 3 چوکے شامل تھے۔ کیویم ہوج 15 سکور بنانے کے بعد نعمان علی کی گیند پر اسٹمپ آؤٹ ہوئے۔
پاکستان کی جانب سے نعمان علی نے 4 جبکہ محمد ساجد نے1 وکٹ حاصل کی۔