لندن،کرک اگین رپورٹ
آئی سی سی کا ٹی 20 لیگز کیخلاف بڑا ایکشن،اگلے ماہ 2 بم پھوڑے جائیں گے
کرکٹ کی تازہ ترین خبریں یہ ہیں کہ آئی سی سی نے ٹیسٹ کرکٹ کے تحفظ کے لیے فرنچائز لیگز کے خلاف کارروائی کا بڑا فیصلہ کرلیا،بم اگلے ماہ آئی سی سی کے ہنگامہ خیز اجلاس میں مارا جائے گا۔جیسن رائے اور ٹرینٹ بولٹ جیسے وہ پلیئرز جو اپنے ملک کو ٹھکرا کر غیر ملکی لیگز اور پرکشش معاوضے کے پیچھے بھاگے ییں۔ان کی سرکوبی ہوگی۔
کرکٹ بریکنگ نیوز کی مانند انٹرنیشنل کرکٹ کونسل ٹیسٹ کرکٹ کے تحفظ کے لیے بیرون ملک کھلاڑیوں کی تعداد کو فرنچائز کیلئے محدود کرنے کا منصوبہ بنا چکا ہے۔
فرنچائز لیگز کے بڑھتے ہوئے اثر و رسوخ سے جیسن رائے انگلینڈ کے پہلے کرکٹر بنے،جنہوں نے گزشتہ ماہ امریکہ میں میجر لیگ کرکٹ میں کھیلنے کے لیے موجودہ قومی معاہدے سے دستبرداری اختیار کی تھی ۔
شاہین آفریدی دورہ سری لنکا سے کیوں باہر،مخالف کانام آگیا
آئی سی سی اگلے ماہ ٹی ٹوئنٹی کرکٹ کو بین الاقوامی کھیل کو تباہ کرنے سے روکنے کے لیے دو فوری تبدیلیوں کی توثیق کرنے کے لیے تیار ہے۔
پہلی تبدیلی یہ ہوگی کہ بیرون ملکی کھلاڑیوں کی تعداد کو ابتدائی الیون میں چار تک محدو کر دینا، اور دوسری تبدیلی یہ ہوگی کہ ٹی ٹوئنٹی لیگز کیلئے لازمی ہوگا کہ وہ ہر کھلاڑی کے لیے اس کےبورڈز کو ادائیگی کریں۔
فی فرنچائز چار کی حد اس سال کی نئی لیگز میں سے دو کا فوری جواب ہے۔ متحدہ عرب امارات میں انٹرنیشنل لیگ ٹی ٹوئنٹی نے فی ٹیم نو غیر ملکی کھلاڑیوں کی اجازت دی ہے جبکہ اگلے ماہ شروع ہونے والی امریکہ کی میجر لیگ کرکٹ ہر اسکواڈ میں نو اور ہر پلیئنگ الیون میں چھ کھلاڑیوں کی اجازت ہے۔
فی لیگ میں چار غیر ملکی کھلاڑیوں کی حد سے کھلاڑیوں کے بین الاقوامی کرکٹ چھوڑنے کا خطرہ بھی کم ہو جائے گا ۔ انڈین پریمیئر لیگ کی فرنچائزز کا اس طرح سے ہر طرف سے دو کھلاڑیوں سے زیادہ معاہدہ کرنے کا امکان نہیں ہے، جس سے ٹیسٹ اور بین الاقوامی کھیل کے مجموعی خطرے کو کم کیا جا سکتا ہے۔
دوسری تبدیلی میں تمام ٹی 20 لیگز کو قومی بورڈز کو فیس کا 10 فیصد دینا ہوگا جو وہ ہر کھلاڑی کو ادا کریں گے۔
