ملتان انٹرنیشنل کرکٹ سٹیڈیم سے کرک اگین رپورٹ۔پاکستان کو ویسٹ انڈیزکی جانب سے قابل فائٹنگ کسی حد تک قابل ونر254 رنز کا ہدف دیا گیا ہے۔ملتان انٹرنیشنل کرکٹ سٹیڈیم میں اب سے 21 برس قبل پاکستان نے بنگلہ دیش کے خلاف 262 رنزکا ہدف 9 وکٹ پر مکمل کرکے ایک وکٹ کی جیت نام کی تھی،انضمام الحق نے یادگار سنچری بناکر پاکستان کو یقینی شکست سے بچالیا تھا۔
ویسٹ انڈیز دوسری اننگ میں 244 پر آؤٹ، پاکستان کو میچ جیتنے کےلئے 254کا ٹارگٹ۔کپتان کریگ بریتھویٹ 52، ٹیون املاچ 35،عامر جانگو30، سنکلئیر 28 کے ساتھ نمایاں رہے۔
دوسرے روز ویسٹ انڈیز نے اپنی دوسری اننگ کا آغاز کیا تو اوپنر بلے بازوں نے محتاط انداز اختیار کیا اور 50 رنز کا اوپننگ سٹینڈ فراہم کیا، میکائل لوئس 7 رنز بناکر نعمان علی کی گیند پر شان مسعود کے ہاتھوں کیچ آؤٹ ہوئے۔سکور کارڈ کو آگے بڑھاتے ہوئے کپتان کریگ بریتھویتھ نے ٹیسٹ کرئیر کی 31 ویں نصف سنچری مکمل کی، جسمیں 2 چھکے اور 4 چوکے شامل تھے۔عامر جانگو کے ساتھ ملکر مجموعہ 92 تک پہنچایا ، نعمان علی کی بال پر شارٹ کھلینے کےلئے کریز سے باہر نکلے اور محمد رضوان کی برق رفتاری کا شکار ہوئے اور اسٹمپ آؤٹ ہوگئے۔تیسری وکٹ عامر جانگوکی صورت میں گری، جنہوں نے 30 رن سکور کیے اور ساجد خان کی بال پر سلمان علی آغا کو کیچ دے بیٹھے،ان کی اننگ مین 3 چوکے شامل تھے۔ کیویم ہوج 15 سکور بنانے کے بعد نعمان علی کی گیند پر اسٹمپ آؤٹ ہوئے۔چھٹی وکٹ ساجد خان کے حصے میں آئی، انہوں نے جسٹن گریوز کو آؤٹ کیا جنہوں نے 10 رنز بنائے، کیون سنکلئیر 28 رنز پر بولڈ ہوئے، ان کو بھی ساجد خان نے آؑؤٹ کیا۔ آٹھویں آؤٹ ہونے والے بلےباز ٹیون املاچ تھے جنہوں نے 35 رنز سکور کیے اور کاشف علی کی گیند پر ایل بی ڈبلیو آؤٹ ہوئے۔
پہلی اننگ کے ہیرو گدکیش موتی بڑی اننگ نہ کھیل سکے اور 18 کے ذاتی سکور پر ساجد خان کی گیند پر ایل بی ڈبلیو آؤٹ ہوگئے۔
پاکستان کی جانب سے نعمان علی نے 4، ساجد خان 4 جبکہ ابرار احمد اور کاشف علی نے1-1 وکٹ حاصل کی۔