ٹراینڈاڈ۔کرک اگین رپورٹ۔پاکستان کرکٹ کی ایک بار پھر تدفین،ویسٹ انڈیز سے 34 برس بعد ون ڈے سیریز میں شکست۔کرکٹ بریکنگ نیوز یہ ہے کہ ویسٹ انڈیز نے پاکستان کے خلاف تاریخ کی سب سے بڑی ون ڈے فتح اپنے نام کرلی،یہی نہیں بلکہ 34 سال بعد پاکستان کے خلاف باہمی ون ڈے سیرہز بھی اپنے نام کی ہے۔ٹرینڈاڈ میں کھیلے گئے تیسرے اور آخری مگر فیصلہ کن میچ میں اس نے 202 رنز کی ریکارڈ جیت نام کی۔
پاکستان نے 295 رنزکے ہدف جا تعاقب شکست مان کر کیا اور ابتدائی 3 وکٹیں 8 پر گرگئیں۔اوپنرز صائم ایوب،،عبداللہ شفیق اور کپتان محمد رضوان صفر پر گئے۔تھوڑی دیر بعد بابر اعظم 23 بالز پر 9 کرکے گئے تو کہانی ختم ہوگئی۔وقفہ وقفہ سے گرنے والی وکٹوں نے پاکستانی اننگ29.2 اوورز میں صرف92 رنزپر سمیٹ دی۔سلمان آغا30،حسن نواز13 اور محمد نواز 23 کرسکے۔5 کھلاڑی صفر پر گئے۔23 سالہ جیڈن سیئلز نے کیریئر بیسٹ 18 رنزکے عوض 6 وکٹیں لیں۔
شائی ہوپ پلیئر آف دی میچ،جیڈن سیئلز مین آف دی سیریز
ویسٹ انڈیز نے سیریز 1-2 سے جیت لی،یہ 34 برس بعد اس کی پہلی سیریز ہے اور پاکستان کی بدترین شکست ہے۔
سنچری ایسے بنتی،ہدف اتنا سیٹ ہوتا،شائی ہوپ نے بابر اینڈ کمپنی کو بتادیا
پاکستان نے فیصلہ کن ون ڈے میچ کا ٹاس جیتا اور پہلے بائولنگ کا انتخاب کیا۔میزبان ٹیم کو اچھا آغاز نہ ملا،برینڈن کنگ 5 رنزبناکرنسیم شاہ کا شکار بنے،سلمان آغا نے کیچ لیا۔57 کے سکور پر ایون لیوس 37 رنزبناکر ابرار احمد کی بال پر کیچ ہوئے۔68 پر کارٹے 17 رنزبناکر ابرار کے ہاتھوں پویلین لوٹے۔کپتان شائی ہوپ موجود تھے لیکن ساتھ کوئی نہ تھا۔شرفین ردرد فرڈ 15،روسٹن چیز 36 اور موٹی 5 کرسکے۔42 ویں اوور میں 184 پر 6 وکٹ کے بعد بھی شائی ہوپ امیدوں کا مرکز بنے رہے۔انہوں نے پھر ہاتھ کھولے۔ان کے ساتھ جسٹن گریوز صرف اس لئے تھے کہ وکٹیں نہ گریں۔
ویسٹ انڈین کپتان نے 47 ویں اوور میں 82 بالز پر سنچری مکمل کی۔کیریئر کی 18 ویں،پاکستان کے خلاف دوسری،ویسٹ انڈیز کیلئے اوو آل تیسرے زیادہ ون ڈے سنچری بنانے والے بیٹر بنے۔
ویسٹ انڈیز نے مقررہ 50 اوورز میں6 وکٹ پر 294 رنزبنائے اور پاکستان کو جیت کیلئے 295 رنزکا ہدف دیا۔شائی ہوپ 120 رنز پر اورگریو43ز رنز پر ناٹ آئوٹ رہے۔دونوں نے49 بالز پر 110رنزکی ناقابل شکست شراکت بنائی۔
پاکستان کی جانب سے نسیم شاہ نے72 رنز اور ابرار احمد نے34 رنز دے کر 2،2 وکٹیں لیں۔حسن علی کو 60 رنزکی مار پڑی۔
