برسبین،کرک اگین رپورٹ۔پاکستان بمقابلہ آسٹریلیا،برسبین میں پہلے ٹی 20 انٹرنیشنل میچ کا ٹاس،کرکٹ بریکنگ نیوز اور کرکٹ کی تازہ ترین خبریں یہ ہیں کہ آسٹریلیا کو آسٹریلیا میں پہلی بار ٹی 20 انٹرنیشنل میچ میں ہرانے کا چیلنج۔اب تک کی تمام 4 کوششیں بار آور نہیں ہوئی ہیں۔ایک روزہ ون ڈے انٹرنیشنل سیریز جیتنے کے بعد پاکستان پہلی بار آسٹریلیا کو آسٹریلیا میں ٹی 20 سیریز ہرانے کیلئے اس وقت فیورٹ ہے،کیونکہ آسٹریلیا کے پاس اس کے ٹاپ پلیئرز نہیں ہیں۔
پاکستانی کپتان محمد رضوان نے کہا تھا کہ ہم جیتنے کی کوشش کریں گے۔بابر اعظم کے پاس موقع ہے کہ وہ 15 رنزبناکر دونوں ممالک کی باہمی سیریز کے ٹاپ سکورر بن جائیں۔اس وقت تک 8 میچز میں 383 رنزبناچکے ہیں۔ڈیوڈ وارنر 397 رنزکے ساتھ پہلے نمبر پر ہیں لیکن وہ ریتائرڈ ہوچکے ہیں۔
اب تک کی سب سے تیز گرج کی آوازیں ہیں۔ گھن گرج گابا سے صرف چند کلومیٹر مشرق میںہے۔ کل رات بھی زبردست طوفان تھا۔ بوندا باندی جاری ہے۔ گھنٹہ سے گابا پر اندھیرا ہے۔افسوس کی بات ہے کہ آج رات گابا میں زیادہ کرکٹ نہیں دکھائی دے رہی ہے۔5 اوورز فی اننگ کا وقت مقامی حساب سے رات ساڑھے 8 بجے اور پاکستانی وقت کے حساب سے دوپہر ساڑھے 3 بجے ہوگا
برسبین میں آج 14 نومبر پاکستان بمقابلہ آسٹریلیا لائیو ٹی 20 انٹرنیشنل میچ کا ٹاس تاخیر کا شکار ہوچکا ہے۔جوش انگلس آسٹریلیا کے 14 ویں ٹی 20 انٹرنیشنل کپتان بن گئے ہیں۔
