پی سی بی کا صائم ایوب کیلئے بڑا فیصلہ ،فوری ایکشن
چئیرمین پی سی بی محسن نقوی کا صائم ایوب کو فوری علاج کے لیے لندن بھیجے کا فیصلہ۔ سپورٹس آرتھو کے ماہر ڈاکٹرز سے اپوائمنٹ طے۔
چئیرمین پی سی بی محسن نقوی کا صائم ایوب سے خود بھی رابطہ، خیریت دریافت کی۔صحت یابی کےلئے نیک خواہشات کااظہار کیا۔
لندن کے سپورٹس آرتھو کے ماہر ڈاکٹرز صائم کا چیک اپ کریں گے۔ صائم سٹائلش زبردست بیٹر اور پاکستان کرکٹ کا اثاثہ ہیں۔محسن نقوی۔
صائم کی انجری پر بہت تشویش ہے۔ دنیا کے بہترین ہسپتال میں چیک اپ اور علاج کرائیں گے۔ علاج کے لئے تمام تر وسائل بروئے کار لائے جائیں گے۔
چئیرمین پاکستان کرکٹ بورڈ محسن نقوی نے صائم ایوب کو فوری علاج کے لیے لندن بھیجے کا فیصلہ کیا ہے اور یہ فیصلہ انہوں نے ڈاکٹرز سے مشاورت کے بعد کیاہے۔چئیرمین پی سی بی محسن نقوی نے صائم ایوب سے خود بھی رابطہ کیا اور انہوں نے صائم ایوب کی خیریت دریافت کی اور ان کی صحت یابی کےلئے نیک خواہشات کااظہار کیا۔ چیئرمین پی سی بی محسن نقوی نے کہا کہ لندن کے سپورٹس آرتھو کے ماہر ڈاکٹرز صائم ایوب کا چیک اپ کریں گے۔صائم ایوب کی لندن کے سپورٹس آرتھو کے ماہر ڈاکٹرز کے ساتھ اپوائمنٹ طے کی گئی ہے جبکہ پاکستان میں ڈاکٹر ممریز صائم ایوب کے علاج معالجے کے سارے کیس کو دیکھ رہے ہیں اور ڈاکٹر ممریز نے صائم ایوب کی تمام میڈیکل رپورٹس لندن بھجوا دی ہیں۔ چیئرمین پی سی بی محسن نقوی نے کہا کہ صائم ایوب سٹائلش زبردست بیٹر اور پاکستان کرکٹ کا اثاثہ ہیں۔صائم ایوب کو پہلی دستیاب فلائٹ سے کیپ ٹاؤن سے لندن بھجوایا جائے گا اور اسٹنٹ کوچ اظہر محمود بھی صائم ایوب کے ساتھ لندن جائیں گے۔چئیرمین پی سی بی محسن نقوی کا کہنا ہے کہ صائم ایوب کی انجری پر بہت تشویش ہے۔صائم ایوب کا دنیا کے بہترین ہسپتال میں چیک اپ اور علاج کرائیں گے۔ انہوں نے کہا کہ صائم ایوب کے علاج معالجے کے لئے تمام تر وسائل بروئے کار لائے جائیں گے۔امید ہے کہ صائم ایوب چیمپئنز ٹرافی سے قبل مکمل صحت یاب ہو جائیں گے۔
