پی ایس ایل 10 دبئی منتقل،آدھی رات کو پی سی بی کی تصدیق

لاہور،کرک اگین رپورٹ۔پی ایس ایل 10 دبئی منتقل،آدھی رات کو پی سی بی کی تصدیق،کرکٹ بریکنگ نیوز یہ ہے کہ

رات گئے بلکہ صبح کے قریب پاکستان کرکٹ بورڈ نے باقاعدہ اعلان کردیا۔پی ایس ایل پاکستان سے ختم۔غیر ملکی کھلاڑی آج سے دبئی کیلئےروانہ۔باقی پی ایس ایل دبئی میں ہوگی۔

پی سی بی نے تصدیق کی ہے کہ ایچ بی ایل پی ایس ایل ایکس کے بقیہ فکسچر کو متحدہ عرب امارات منتقل کر دیا گیا ہے۔اس کے مطابق درج ذیل فکسچر کو دوبارہ ترتیب دیا جائے گا

• کراچی کنگز بمقابلہ پشاور زلمی

• پشاور زلمی بمقابلہ لاہور قلندرز

• اسلام آباد یونائیٹڈ بمقابلہ کراچی کنگز

• ملتان سلطانز بمقابلہ کوئٹہ گلیڈی ایٹرز

• کوالیفائر

• ایلیمینیٹر 1

• ایلیمینیٹر 2

• فائنل

میچوں کا صحیح شیڈول، تاریخوں اور مقامات کا خاکہ، مقررہ وقت پر شیئر کیا جائے گا۔

کرک اگین کے مطابق اگلے 5 سے 7 روز میں میچز ہونگے۔شیڈول تیار کیا جارہا ہے۔ادھر آئی پی ایل کے بھی دبئی منتقل ہونے کے امکانات بتائے گئے ہیں۔

کرک اگین کئی گھنٹے قبل یہی نیوز حتمی انداز میں دے چکا تھا

پی ایس ایل کراچی سے بھی آگے شفٹ،کب اور کہاں،آئی پی ایل بھی شفٹ ہوا تو نیا پھڈا سامنے

جمعرات کی شام تک بیرون ملک مقیم کھلاڑیوں کے درمیان اس بات پر اتفاق ہو گیا کہ اب پاکستان چھوڑنے کا وقت آگیا ہے۔ سوال یہ تھا کہ وہ کتنی جلدی ملک سے باہر جاسکتے ہیں، اس امید کے ساتھ کہ وہ جمعہ کو دبئی کا سفر کرسکتے ہیں۔ آسٹریلیا، نیوزی لینڈ اور ویسٹ انڈیز سمیت دیگر ممالک کے بیرون ملک کھلاڑی بھی اسی طرح کی پوزیشن میں تھے۔

ٹائمز آف انڈیا کی ایک رپورٹ میں کہا گیا ہے کہ لیگ میں ٹیمیں خوف و ہراس کی حالت میں ہیں، انہوں نے مزید کہا کہ آئی پی ایل گورننگ کونسل صورتحال پر تبادلہ خیال کے لیے ملاقات کرے گی۔ پاکستان سپر لیگ میں کھیلنے والے انگلش کرکٹرز بھارت کے ساتھ بڑھتی ہوئی فوجی کشیدگی کے درمیان ملک سے باہر جانے کا راستہ تلاش کر رہے ہیں۔