پی ایس ایل 11 ونڈو سیٹ،8 ٹیمیں،5 وینیوز کنفرم،دیگر اہم تفصیلات ساتھ

کرک اگین سپیشل رپورٹ۔پی ایس ایل 11 ونڈو سیٹ،8 ٹیمیں،5 وینیوز کنفرم،دیگر اہم تفصیلات ساتھ،کرکٹ کی بریکنگ نیوز اور تازہ ترین خبریں یہ ہیں کہ پی ایس ایل 11 کی ونڈو بھی 2 وجوہ سے آگے ہے۔اگلے سال مارچ میں ٹی 20 ورلڈکپ کھیلا جانا ہے،اس کے سبب پاکستان سپر لیگ کا 11 واں ایڈیشن اپریل،مئی میں ہوگا جو ایک بار پھر آئی پی ایل سے ٹکرائے گا۔پی ایس ایل 2026 میں 8 ٹیمیں شریک ہونگی۔فیصل آباد اور سیالکوٹ کے نام سامنے آئے ہیں۔معاملات فی الحال خفیہ ہیں۔

رمضان المبارک کا اگلے 3 سال فروری میں آنا بھی پی ایس ایل ونڈو کی تبدیلی کی وجہ ہے۔یہی وجہ ہے کہ پاکستان کرکٹ بورڈ اگلے 5 سالہ کرکٹ پلانز میں اسے سامنے رکھ کر کرکٹ کلینڈر مرتب کررہا ہے۔اس میں اہم باتیں پاکستان سپر لیگ اور سال کے شروع کے 3 ماہ کی انٹرنیشنل مصروفیات کو سامنے رکھنا ہے۔

پاکستان  کرکٹ کے قریبی ذرائع سے معلوم ہوا ہے کہ اگلے سال پی ایس ایل 11 اپریل کے ابتدائی عشرے میں شروع ہوگی۔اس سے قبل مردوں کا ٹی 20 ورلڈکپ 2026 فروری اور مارچ میں بھارت اور سری لنکا میں مشترکہ طور پر کھیلا جائے گا۔پاکستان میں پی ایس ایل اور بھارت میں آئی پی ایل ایک ہی وقت ہوگی،جیسا کہ اس سال ہورہا ہے۔

یہ بھی معلوم ہوا ہے کہ پی ایس ایل 2026 سے ٹیموں کی تعداد 6 سے بڑھا کر 8 کرنے کے منصوبہ میں تیزی ہے۔اس کیلئے سیالکوٹ اور فیصل آباد کے نام سامنے آئے ہیں۔یہی نہیں ساتھ میں پی ایس ایل وینیوز میں راولپنڈی،کراچی،لاہور،ملتان کے ساتھ فیصل آباد وینیو کا اضافہ ہے۔چھٹے وینیو کیلئے فیصلہ اگلے 4 ماہ میں ہوگا۔مزید تفصیلات آنے کو ہیں۔