ملتان،کرک اگین رپورٹ
پی ایس ایل 9،ملتان میں سلطانز کا آخری میچ گلیڈی ایٹرزسے،ریکارڈ میں برتری،مقابلہ اہم۔ملتان سلطانز کا کوئٹہ گلیڈی ایٹرز کے خلاف ریکارڈ شاندار ہے۔پی ایس ایل تاریخ میں اس نے اب تک 11 میچز میں سے 7 جیتے ہیں اور صرف 4 ہارے ہیں۔پہلے بیٹنگ کرکے 5 میچز جیتے اور صرف ایک ہارا ہے۔بعد میں بیٹنگ میں سلطانز کو مشکلات رہی ہیں۔اس میں گلیڈی ایٹرز 3 بار اور سلطانز 2 بار کامیاب ہوسکا۔یہ بھی واضح ہے کہ ماضی قریب میں سو فیصد سلطانز کا غلبہ ہوا ہے۔گلیڈی ایٹرز کی فتوحات ماضی کی کہانی ہیں۔
پی ایس ایل 9 میں کل اتوار 25 مارچ کو ملتان کرکٹ اسٹیڈیم رواں سیزن کے آخری میچ کی میزبانی کرے گا۔ہوم ٹیم ہوم میدان میں اپنا 5 واں میچ کھیلے گی۔یہ میچ ملتان سلطانز اور کوئٹہ گلیڈی ایٹرز کے درمیان اتوار دوپہر 2 بجے شروع ہوگا۔
پی ایس ایل 9 میں اب تک پوائنٹس ٹیبلپر ملتان سلطانز اور کوئٹہ گلیڈی ایٹرز کے 6،6 پوائنٹس ہیں،ملتان کا نیٹ رن ریٹ بہتر اور پوزیشن پہلی ہے لیکن کوئٹہ کا ایک میچ کم بھی ہے۔اب اہم یہ ہے کہ سلطانز کو اپنی پوزیشن برقرار رکھنے کیلئے میچ جیتنا ضروری ہے۔رواں سیزن میں گلیڈی ایٹرز اب تک واحد ناقابل شکست ٹیم ہے۔باقی تمام 5 ٹیمیں ہارچکی ہیں۔
ٹاس کا سکہ محمد رضوان کے حق میں جاسکتا ہے اور چونکہ دن کا میچ ہے،اس لئے پہلے بیٹنگ تھوڑی مشکل ہوگی،اس کے بعد آسان ہوتی جائے گی۔سلطانز شکست کے باوجود فیورٹ ہیں۔
