لیڈز۔کرک اگین رپورٹ
اور یوں ہیڈنگلے لیڈز کا ٹیسٹ بظاہر انگلینڈ کے ہاتھ سے نکل گیا۔ بھارت کے ہاتھ میں چلا گیا۔ ٹیسٹ میچ جیتنے کے لیے بھارت نے انگلینڈ کو 371 رنز کا ہدف دیا ہے اور ٹائم کتنا بچا ہے۔ ایک دن اور کچھ اوورز ۔کچھ اوورز کا کھیلنا ابھی باقی ہے۔ آج کھیل کے آخری سیشن میں انگلینڈ کے بولرز نے اگرچہ واپسی کی اور بھارت کی آخری 6 وکٹیں 333 رنز سے 364 رنز کے درمیان یعنی 31 رنز کے اندر اڑا دیں، لیکن یہ کیا بات ہوئی۔ یہی کچھ بھارت کے ساتھ پہلی اننگز میں بھی ہوا تھا۔ جب اس نے آخری سات وکٹیں 41 رنز میں گنوادی تھیں، تو بھارتی ٹیم شروع کی بیٹنگ پر چل رہی ہے۔ آج اس کی اننگز کی خاص بات دو سنچریاں تھی۔ پہلی اننگ میں تین سنچریاں تھیں، تو آج دو اور یہ ٹوئن سنچریز کے ایل راہول نے ایک شاندار سنچری سکور کی اور جو دوسری سنچری تھی وہ تو ریکارڈ سے بھرپور تھی ۔ رشاب پنت کا کمال یہ ہے کہ وہ ہسٹری کے دوسرے وکٹ کیپر ہیں جنہوں نے ایک ٹیسٹ کی دونوں اننگز میں سنچری کی ہے۔ کرکٹ کی قریب ڈیڑھ سو سالہ تاریخ میں ایسا دوسری باری ہوا ہے۔
پہلی بار سن 2001 میں زمبابوے کے وکٹ کیپر اینڈی فلاور نے دونوں اننگز میں سنچری کی تھی اور اب جا کر بھارت کے رشاب پنت نے یہ کام کیا اور آپ کو یہ پڑھ کر بھی حیرت ہوگی کہ بھارت کے لیے وہ ایک میچ کی دونوں اننگز میں سنچری بنانے والے پہلے وکٹ کیپر بن گئے ہیں۔ اوور آل دسویں کھلاڑی ہیں۔ انگلینڈ کی ٹیم اب دباؤ میں ہوگی، اسے جیتنے کے لیے 371 رنز بنانے ہیں۔
یہ اینڈریسن۔ ٹنڈولکر ٹرافی ہے اور پانچ میچز کی سیریز کا پہلا میچ ہے اور مت بھولیں یہ آئی سی سی ورلڈ ٹیسٹ چیمپین شپ سائیکل 2025۔ 27 کی دونوں ممالک کی پہلی، اوور آل دوسری سیریز ہے۔ یاد ہوگا گزشتہ ہفتے پہلی سیریز سری لنکا میں بنگلہ دیش اور سری لنکا کی شروع ہوئی تھی ۔