ڈربن،کرک اگین رپورٹ۔پاکستان کے خلاف ٹی 20 سیریزکیلئے جنوبی افریقا ٹیم کا اعلان،کپتان تبدیل۔کرکٹ کی تازہ ترین خبریں یہ ہیں کہ ایڈن مارکرم کی عدم موجودگی میں ہینرک کلاسن پاکستان کے خلاف اپنی ہوم ٹی ٹوئنٹی سیریز کے دوران جنوبی افریقہ قیادت کریں گے۔مارکرم اس وقت سری لنکا کے خلاف ٹیسٹ سیریز میں شامل ہیں۔
مارکرم کے علاوہ، مارکو جانسن، کیشو مہاراج، کگیسو ربادا اور ٹرسٹن اسٹبس جیسے کئی دیگر آل فارمیٹ کھلاڑی، 10 سے 14 دسمبر کے درمیان شیڈول پاکستان ٹی 20 سیریز نہیں کھیلیں گے،وہ سری لنکا کے خلاف دوسرا ٹیسٹ 9 دسمبر کو ختم ہونے کے ساتھ مصروف ہیں۔ یہ کھلاڑی اگلے سال ہونے والی چیمپئنز ٹرافی کی تیاری کے لیے پاکستان کے خلاف ون ڈے سیریز کا حصہ ہوں گے۔
دورہ جنوبی افریقا،شاہین آفریدی ٹیسٹ سے ڈراپ،عباس کی 3 سال بعد واپسی
اس کے علاوہ، اینریچ نورٹجے اور تبریز شمسی جون میں ورلڈ کپ کے بعد پہلی بار ٹیم میں واپس آئے ہیں۔ جولائی 2021 میں آئرلینڈ کے خلاف آخری ٹی 20 آئی کھیلنے کے بعد آل راؤنڈر جارج لنڈے کو بھی اسکواڈ میں شامل کیا گیا ہے۔ انہوں نے 14 میچز کھیلے ہیں۔
پاکستان کے خلاف جنوبی افریقہ کا سکواڈ
ہینرک کلاسن (کپتان)، اوٹنیل بارٹمین، میتھیو بریٹزکے، ڈونووین فریرا، ریزا ہینڈرکس، پیٹرک کروگر، جارج لنڈے، کوینا مافاکا، ڈیوڈ ملر، اینریچ نورٹجے، نقبا پیٹر، ریان رکیلٹن*، تبریز شمسی، اینڈائل سمین ریس وین ڈیر ڈوسن
