دونوں کوچز کو ذلیل کرکے نکالنے کا حتمی نتیجہ آگیا،عاقب جاوید ہیڈکوچ

لاہور،کرک اگین رپورٹ۔غیر ملکی کوچز کو ذلیل کرنے کا حتمی نتیجہ آگیا ہے۔ایک ایک کرکے دونوں کوچز کو 6 ماہ کے اندر پاکستان کرکٹ سے نکل جانے پر مجبور کرنے والے پاکستان کرکٹ بورڈ  نے نیا ہیڈ کوچ مقرر کردیا۔ ریڈ بال کے ہیڈ کوچ جیسن گلیسپی کے استعفے کے بعد عاقب جاوید کو پاکستان کرکٹ ٹیم کا عبوری ریڈ بال ہیڈ کوچ مقرر کر دیا گیا۔

ریڈ بال کے ہیڈ کوچ کے طور پر عاقب کی پہلی اسائنمنٹ جنوبی افریقہ کے خلاف جاری آل فارمیٹ ٹور کے دوران دو میچوں کی ٹیسٹ سیریز ہوگی۔

دونوں ٹیموں کے درمیان پہلا ٹیسٹ 26 سے 30 دسمبر تک سنچورین کے سپر اسپورٹ پارک میں کھیلا جائے گا۔دوسرا ٹیسٹ 3 سے 7 جنوری تک کیپ ٹاؤن کے نیو لینڈز کرکٹ گراؤنڈ میں کھیلا جائے گا۔

ایک اور اڑتا تیر پی سی بی نے لے لیا ،گلیسپی کے چھوڑنے کی اصل کہانی

پاکستان ٹیم اس وقت جنوبی افریقہ میں تین میچوں کی ٹی ٹوئنٹی سیریز کھیل رہی ہے جس کے بعد تین ون ڈے میچوں کی سیریز کھیلی جائے گی