پچ ہمارے لئے ہی نہیں،پاکستان کیلئے بھی چیلنج،کنٹرول سنبھال لیا،ویسٹ انڈین کوچ

ملتان۔کرک اگین رپورٹ۔پچ ہمارے لئے ہی نہیں،پاکستان کیلئے بھی چیلنج،کنٹرول سنبھال لیا،ویسٹ انڈین کوچ۔کرکٹ کی تازہ ترین خبریں یہ ہیں کہ ویسٹ انڈیز کے بائولنگ کوچ جیمز فرینکلن نے ملتان کرکٹ اسٹیڈیم میں پریس کانفرنس کے دوران اپنی ٹیم کی کارکردگی پر بات کرتے ہوئے کہا کہ ویسٹ انڈیز کے بائولرز نے پاکستان کے خلاف شاندار پرفارمنس دکھائی ہے۔ انہوں نے کہا ہے آج ہماری بالنگ پرفارمنس بہترین رہی۔ ہم نے پاکستان پر مناسب پریشر ڈالا، جس کے باعث ان کی بیٹنگ لائن میں مشکلات آئیں۔

فرینکلن نے مزید کہا کہ ہماری آخری کی پارٹنرشپس نے ہمارے ٹیم ٹوٹل کو بہتر بنانے میں اہم کردار ادا کیا، اور ہمیں خوشی ہے کہ ہم نے اس اسٹرینتھ کو بڑھایا۔ ویسٹ انڈیز نے اپنی آخری پارٹنرشپس میں اسکور کا اضافہ کیا، جو کہ ان کے مجموعی اسکور کے لیے اہم ثابت ہوا۔پریس کانفرنس میں ویسٹ انڈیز کے کوچ نے اس بات کا بھی ذکر کیا کہ ان کی ٹیم کے لیے اب اگلے دن میچ پر کنٹرول حاصل کرنے کا موقع ہے۔ اب ہمارے لیے ایک موقع ہے کہ ہم کل اس میچ پر کنٹرول لے سکیں، اور ہم اپنی ٹیم کی طرف سے لمبی پارٹنرشپس کی کوشش کریں گے تاکہ اسکور کو مزید بڑھایا جا سکے۔

ملتان کی پچ کی صورتحال کے بارے میں بات کرتے ہوئے جیمز فرینکلن نے کہا، اس پیچ پر ٹاپ آرڈر کے لیے بیٹنگ کرنا بہت مشکل ہے اور شروع میں بائولنگ کرنا بھی چیلنجنگ ہوتا ہے۔ انہوں نے مزید کہا کہ یہ پچ ویسٹ انڈیز کے لیے ہی نہیں، بلکہ پاکستان کے لیے بھی چیلنج ہے، کیونکہ دونوں ٹیموں کو اس پچ پر کھیلنا آسان نہیں ہے۔

پہلا سوال مزے کا،دوسرا آپ نے مزے لینے کیلئے کیا،نعمان علی کے جواب پر مسکراہٹیں

پاکستان کے بارے میں بات کرتے ہوئے فرینکلن نے کہا کہ پاکستان کو اس پچ سے رزلٹ مل رہا ہے، جیسے انگلینڈ کو ناک آؤٹ کرنے کے بعد انہیں رزلٹ مل رہا تھا۔ پاکستان کرکٹ کو اس کنڈیشن سے فائدہ ہو رہا ہے اور انہیں اچھے نتائج مل رہے ہیں۔ویسٹ انڈیز کے بائولنگ کوچ نے اپنی ٹیم کی کارکردگی کی تعریف کی اور کہا کہ وہ پاکستان کے خلاف مزید بہتر پرفارمنس دینے کی کوشش کریں گے تاکہ میچ میں کنٹرول حاصل کیا جا سکے۔