دوسرا ٹیسٹ،ملتان میں پاکستان کو ٹاس کے وقت دھچکا

ملتان انٹرنیشنل کرکٹ سٹیڈیم سے براہ راست کرک اگین رپورٹ۔دوسرا ٹیسٹ،ملتان میں پاکستان کو ٹاس کے وقت دھچکا۔کرکٹ کی تازہ ترین خبریں یہ ہیں کہ پاکستان بمقابلہ ویسٹ انڈیز۔دوسرا ٹیسٹ۔پہلا روز۔ملتان انٹرنیشنل کرکٹ سٹیڈیم میں 2 میچز کی سیریز کے دوسرے میچ کا ٹاس ہوگیا ہے۔مقامی وقت کے مطابق صبح  9 بجے ٹاس ہوا۔

ویسٹ انڈیز نے ٹاس جیت کرپہلے بیٹنگ کا فیصلہ کیا ہے۔پاکستان ٹیم میں ایک تبدیلی ہوئی ہے۔خرم شہزاد کی جگہ کاشف علی آئے ہیں۔مہمان ٹیم میں بھی ایک تبدیلی ہے۔کیمار روچ کی آمد ہوئی ہے۔

اس سے قبل ملتان انٹرنیشنل کرکٹ سٹیڈیم میں صبح 7 بجے سے قبل آپریشن شروع ہوگیا،میدان میں پھیلی اوس ختم کی گئی۔سٹاف نے بڑی محنت سے آئوٹ فیلڈ تیار کی،پچ پر رولر پھیرا گیا۔ٹیمیں 8 بجے کے فوری بعد سٹیڈیم میں تھیں۔پریکٹس کی اور وارم اپ ہوئے ہیں۔

باہر سکیورٹی کا عالم یہ تھا کہ ہر جانب ناکے تھے اور سخت سکیورٹی میں دونوں ٹیمیں اسٹیڈیم پہنچیں۔

دو میچزکی سیریز میں پاکستان کو 0-1 کی برتری ہے۔