ٹیسٹ تاریخ کے ٹاپ 30 فاسٹ بائولرز کی نئی فہرست ،دیکھ تو ذرا

کرک اگین رپورٹ ۔وقت جوں جوں آگےبڑھ رہا ہے،مقابلہ سخت ہے۔تیز ہے اور جاندار ہوتا ہے لیکن ریکارڈ ساز لیجنڈری پلیئرزکی جگہ لینا پہلے کبھی آسان تھا نہ اب ہے۔جب بھی سوال ہوگا کہ ٹیسٹ کرکٹ کی 148 سالہ ہسٹری کے ٹاپ ٹیم فاسٹ بائولرز کو منتخب کیا جائے تو کوئی بھی پہلے روز سے آج 2025 تک ایسے ہی لسٹ مرتب نہیں کرے گا۔صرف ریکارڈز ہی نہیں دیکھے گا بلکہ ہر اس چیز کا احاطہ کرے گا جو اس کیلئے ضروری ہے۔

انگلینڈ کے معروف اخبار ڈیلی تیلی گراف نے آج ایک بار پھر 30 ٹاپ فاسٹ بائولر کی فہرست مرتب کی ہے۔وہ لکھتا ہے کہ یہ تقریباً ناممکن کام ہے، لیکن میں نے اپنے آپ کو اس اہم معیار کے ساتھ مدد فراہم کی کہ اس فہرست میں شامل گیند بازوں نے 80 میل فی گھنٹہ سے زیادہ کی رفتار سے باولنگ کی ہوگی۔ اس لیے یہاں ایلک بیڈسر، مورس ٹیٹ، سڈ بارنس یا جارج لوہمن جیسے عظیم لوگوں کے لیے کوئی جگہ نہیں ہے، اور اپنے کیریئر کے اختتام تک کپل دیو درمیانے رفتار کے زمرے میں تھے۔

جسپریت بمراہ کا پہلا نمبر

46 ٹیسٹ، 20کی اوسط پر 210 وکٹیں، اور ہر 42 گیندوں پر ایک وکٹ

میلکم مارشل دوسرے نمبر پر

81 ٹیسٹ، 21کی شرح پر 376 وکٹیں، اور ہر 47 گیندوں پر ایک وکٹ

کرٹلی ایمبروزکا تیسرانمبر

98 ٹیسٹ، 21 کی شرح پر 405 وکٹیں، اور ہر 54 گیندوں پر ایک وکٹ

عمران خان چوتھے نمبر پر 

88 ٹیسٹ، 23کی اوسط پر 362 وکٹیں، اور 54 گیندوں بعدفی وکٹ

آکسفورڈ میں محض ان سوئنگ سے مطمئن نہ ہو کرعمران نے کاؤنٹی کرکٹ میں روایتی مہارتیں حاصل کیں اور پھر  ریورس سوئنگ کا اضافہ کیا۔ ایشیا کے اندر اور باہر فتح حاصل کی۔ وہ پہلے عظیم باؤلر تھےجنہوں نے ریورس سوئنگ گیند کا نیا استعمال دکھایا۔پاکستان میں انہوں نے 19 کی عمر میں 163 وکٹیں حاصل کیں۔ کیا 1980 کی دہائی کے آوائل میں عمران کی کمر کی چوٹ سے پہلے کسی نے گیند کو ہوا میں زیادہ حرکت دی؟سوال موجود۔

گلین میک گراتھ۔نمبر پانچ

104 ٹیسٹ، 23 پر 414 وکٹیں، اور 54 رنز فی وکٹ

وسیم اکرم۔6 نمبر پر

104 ٹیسٹ، 23 پر 414 وکٹیں، اور 54 رنز فی وکٹ

مچل جانسن۔7ویں پوزیشن 

73 ٹیسٹ، 28 پر 313 وکٹیں، اور 51 گیندیں فی وکٹ

شان پولاک۔8واں نمبر

108 ٹیسٹ، 23 پر 421 وکٹیں، اور 58 گیندیں فی وکٹ

ڈیل سٹین۔نواں نمبر 

93 ٹیسٹ، 23 پر 439 وکٹیں، اور 42 گیندیں فی وکٹ

وقار یونس۔10 نمبر پر

87 ٹیسٹ، 24 پر 373 وکٹیں، اور 44 گیندیں فی وکٹ۔

پیٹ کمنز کا گیارہواں، ایلن ڈونلڈ کابارہواں اور ڈینس لیلی کا تیرہواں نمبر ہے۔رچرڈ ہیڈلی سولویں اور مائیکل ہولڈنگ 18ویں نمبر پر ہیں۔کا گیسو ربادا 21 ویں اور انگلینڈ کے معروف پیسر جیمز اینڈرسن 22ویں نمبر پر ہیں۔کورٹنی والش 25 اور مچل سٹارک 26 ویں نمبر پر رکھے گئے ہیں۔