کرک اگین رپورٹ
وارم اپ میچ میں ویسٹ انڈیز نے پاکستان شاہینز کے خلاف پہلی اننگز میں 7وکٹوں پر273 رنز بنالیے۔لیک ایتھاناز کے99 رنز ۔ رمیز جونیئر کی تین وکٹیں ۔
اسلام آباد 10 جنوری۔ ویسٹ انڈیز نے پاکستان کے دورے کا باقاعدہ آغاز کرتے ہوئے پاکستان شاہینز کے خلاف تین روزہ وارم اپ کے پہلے دن اپنی پہلی اننگز میں 74اوورز کی بیٹنگ میں 7 وکٹوں پر 273 رنز بنائے تھے۔
واضح رہے کہ یہ وارم میچ نان فرسٹ کلاس میچ ہے ۔
اسلام آباد کلب میں مہمان ٹیم کی اننگز کی خاص بات الیک ایتھاناز کی عمدہ بیٹنگ تھی جنہوں نے پندرہ چوکوں اور ایک چھکے کی مدد سے 99 رنز اسکور کیے۔کپتان کریگ براتھ ویٹ اور میکائل لوئس نے34 ۔34 رنز اسکور کیے۔
شاہینز کی طرف سے رمیز جونیئر سب سے کامیاب بولر رہے انہوں نے 40 رنز دے کر 3 وکٹیں حاصل کیں۔ احمد صفی عبداللہ نے دو کھلاڑیوں کو آؤٹ کیا۔
پاکستان اور ویسٹ انڈیز کے درمیان پہلا ٹیسٹ 17 جنوری سے ملتان میں کھیلا جائے گا۔ ملتان 25جنوری سے شروع ہونے والے دوسرے ٹیسٹ کی بھی میزبانی کرے گا۔
