برمنگھم،کرک اگین رپورٹ
بھارت چیمپئنز ٹرافی کیلئے پاکستان آئے گا یا نہیں،انگلینڈ کرکٹ بورڈ چیئرمین نے راز کھول دیا۔کرکٹ کی تازہ ترین خبریں یہ ہیں کہ انگلینڈ کرکٹ بورڈ کے چیئرمین نے جہاں یہ اعلان کیا ہے کہ ان کی ٹیم پاکستان میں چیمپئنز ٹرافی کیلئے جائے گی اور وہ پاکستان کی میزبانی کیلئے پرامید ہیں لیکن وہاں انہوں نے بھارت کے حوالہ سے ایک سنسنی خیز انکشاف کردیا ہے۔
رچرڈ گولڈ ای سی بی چیئرمین نے برمنگھم میں انگلینڈ ویسٹ انڈیز ٹیسٹ میچ کے پہلے روز کہا ہے کہ ہم گزشتہ ہفتہ کولمبو میں تھے اور پاکستان بھارت کرکٹ حکام بھی آئی سی سی میٹنگز میں تھے۔دونوں ممالک کے فینز میں بہت کچھ چل رہا تھا اور یہ ہمیں دلچسپ لگا۔
چیمپئنز ٹرافی 2025 پاکستان میں،انگلینڈ کرکٹ بورڈ کا بڑا اعلان
ای سی بی چیئرمین نے واضح کیا ہے کہ اگر پاکستان چیمپئنز ٹرافی کی میزبانی کرے گا تو بھارت کی کرکٹ ٹیم کے پاکستان جانے،وہاں کھیلنے کے کوئی امکانات نہیں ہیں،اب چیمپئنز ٹرافی پاکستان میں ہوگی یا نہیں۔اس کا فیصلہ اگرچہ ہوچکا ہے لیکن ہم پرعزم ہیں کہ ایونٹ پاکستان میں ہوگا۔
