لاہور ،کرک اگین رپورٹ
پاکستان کرکٹ بورڈ پی سی بی نے بھارت کے خلاف آفیشل شکایت کردی۔
انٹرنیشنل کرکٹ کونسل کو 2 اہم معاملات پر شکایت کی گئی ہے اور یہ توقع کے عین مطابق ہے۔
کرک اگین نے نیوز بریک کی تھی کہ چیئرمین پی سی بی ذکا اشرف پیر کو اہم ملاقات کریں گے۔یہ ملاقاتیں ریاستی اداروں کے حکام کے ساتھ بھی ہوئی ہیں۔
ہجوم کی طرف سے زہریلے تبصرے اور ٹرولنگ،پاکستان میں اعلیٰ سطحی اجلاس،آج بڑا فیصلہ
پاکستان کرکٹ بورڈ کی کرکٹ مینجمنٹ کمیٹی کے چیئرمین ذکا اشرف ان قیاس آرائیوں کے درمیان بھارت سے واپس آ ئےکہ پی سی بی احمد آباد میں میزبان ٹیم کے خلاف ورلڈ کپ میچ کے دوران کچھ واقعات پر آئی سی سی سے احتجاج درج کرانے پر غور کر رہا ہے۔ بورڈ کے ایک ذریعے نے بتایا کہ ذکاء اشرف پیر کو واپس آئے ہیں اور وہ اپنے دورہ بھارت کے بارے میں بات کرنے کے لیے بورڈ کے سینئر حکام سے ملاقاتوں کا سلسلہ کر رہے ہیں۔ ذرائع نے بتایا کہ ذکا اشرف خود ہندوستان کے خلاف میچ کے لیے احمد آباد میں موجود تھے اور وہ کچھ ایسے واقعات کے گواہ ہیں جس کی وجہ سے وہ ناخوش تھے ۔
پاکستان کرکٹ بورڈ (پی سی بی) نے پاکستانی صحافیوں کے ویزوں میں تاخیر اور جاری ورلڈ کپ 2023 کے لیے پاکستانی شائقین کے لیے ویزا پالیسی کی عدم موجودگی پر آئی سی سی سے ایک اور باضابطہ احتجاج درج کرایا ہے۔
پی سی بی نے 14 اکتوبر 2023 کو ہونے والے ہندوستان بمقابلہ پاکستان میچ کے دوران پاکستانی اسکواڈ کو نشانہ بنانے والے نامناسب رویے کے سلسلے میں بھی شکایت درج کرائی ہے۔
