ملتان کرکٹ اسٹیڈیم سے کرک اگین رپورٹ۔کرس واکس سلمان علی آغا کے کیچ آئوٹ کا غلط دعویٰ تو کرہی گئے،ملتان میں راشد لطیف واقعہ کی یاد تازہ۔کرکٹ کی تازہ ترین خبریں یہ ہیں کہ انگلش کھلاڑی دوسروں کیلئے بڑا درس دیتے ہیں،کہیں ٹیپمرنگ کی شکایت کرتے ہیں تو کہیں رویہ کی،لیکن ان کو اپنا علم نہیں ہے۔کرس واکس نے سلمان علی آغاکے چھکے کوکیچ پکڑنے کے دعوے میں تبدیل کردیا۔کئی نشریاتی اداروں نے پاکستان کی 7 ویں وکٹ گرنے کی نیوز بریک کردی لیکن امپائر نے تھرڈ امپائر کو ریویو کیلئے کہا تو کرس واکس پکڑے گئے۔
پاکستان کی اننگ کے 116 ویں اوور میں سلمان علی آغا نے ایک بلند شاٹ کھیلا۔بائونڈری پر موجود فیلڈر نے اچھل کر بال اندر روکنے کی کوشش کی لیکن اس چکر میں خود باہر نکلے،بال ہوا میں تھی۔واپسی پر بال دبوچ کر کیچ کی خوشی منانی شروع کردی،ساری انگلش ٹیم نے جشن منانا شروع کیا لیکن اس کا اختتام ان کے غلط ہونے کا دعویدار تھا۔
بین سٹوکس انجری،انگلش بائولر ملتان میں ان کی جگہ لینے کو تیار،لنچ اپ ڈیٹ
ملتان کرکٹ اسٹیڈیم ہی میں 2003 میں بنگلہ دیش کے خلاف میچ میں پاکستانی کپتان وکٹ کیپر راشد لطیف نے وکٹوں کے پیچھے ایسے ہی کیچ کی اپیل کی اورخوشی منائی تھی لیکن جب ری پلے میں ان کا دعویٰ غلط تھا تو آئی سی سی نے راشد لطیف پر 5 میچزکی پابندی لگادی تھی،یہاں سے نہ صرف ان کی کپتانی گئی بلکہ کیریئر بھی تمام ہوا تھا۔
ہوسکتا ہے کہ اس وقت کرکٹ قوانین میں 5 میچزکی بڑی سزا ہو لیکن اب سزائیں اور فیصلے بدلے جاچکے ہیں۔کھلاڑی کا کیچ پکڑکر خوشی منانا بھی دراصل کیچ پکڑنے کے دعوے کے مترادف ہوتا ہے۔
