کولمبو،کرک اگین رپورٹ
ایل پی ایل 2023،بابر اور نسیم شاہ ہیرو،کولمبو کی جیت،سرفراز کی ٹیم ہارگئی۔ایل پی ایل 2023 کے دوسرے میچ میں کولمبو سٹرائیکرز کی واپسی۔پاکستانی کپتان بابر اعظم اورپیسر نسیم شاہ ہیرو رہے ہیں۔کولمبو میں کھیلے گئے ایونٹ کے تیسرے اور ٹیم کے دوسرے میچ میں کولمبو سٹرائیکرز نے کینڈی کو 27 رنز سے ہرادیا۔
فاتح ٹیم نے 20 اوورز میں 6 وکٹ پر 157 اسکور بنائے۔پاکستانی کپتان بابر اعظم نے لیگ کی پہلی ہاف سنچری بنالی،انہوں نے 52 بالز پر 59 رنزبنائے۔1 چھکا،4 چوکے تھے۔حریف ٹیم کے محمد حسنین نے 2 وکٹیں لیں۔
پاکستان کی ایک اور سیریز سری لنکا میں،افغانستان کیخلاف ون ڈے شیڈول کا اعلان
جواب میں کینڈی ٹیم 20 اوورز میں 8 وکٹ پر 130 اسکور تک محدود رہی۔اینجلیومیتھیوز نے 25 اور سرفراز احمد نے 16 رنز بنائے۔نسیم شاہ نے 4 اوورز میں 19 رنز دے کر2 اور محمد نواز نے4 اوورز میں 18 رنز دے کر ایک وکٹ لی۔
دن کے پہلے اور لیگ کے دوسرے میچ میں گالے ٹائنٹنز اور دمبولا میں میچ ٹائی ہوگیا۔دونوں نے 180 اور 180 اسکور بنالئے۔الیمنٹری اوور میں گالے ٹائٹنز نے میچ جیتا۔
