نارتھ سائونڈ،کرک اگین رپورٹ۔چیمپئنز ٹرافی کی تیاری میں انگلینڈ کو جھٹکا،ویسٹ انڈیز نے پہلا ون ڈے جیت لیا۔کرکٹ کی تازہ ترین خبریں یہ ہیں کہ انگلینڈ پاکستان میں ٹیسٹ سیریز ہارگیا۔اب چیمپئنز ٹرافی کی تیاری میں بھی جھٹکا لگا،کیونکہ اس کے خلاف ویسٹ انڈیز نے انٹیگا میں انگلینڈ کے خلاف بارش سے متاثرہ پہلے ون ڈے میں 8 وکٹوں سے آسانی سے فتح حاصل کی۔د ایون لیوس کے 69 گیندوں پر 94 رنز کی تیز رفتار اننگزنے کام آسان کردیا۔
دوسری اننگز کے آغاز سے پہلے بارش کی تاخیر کے بعد، برینڈن کنگ نے چند چوکے لگائے اور لیوس کو اچھی مدد فراہم کی کیونکہ وہ پہلے پاور پلے میں ویسٹ انڈیز کو 54/0 تک لے گئے۔ لیوس نے چھکے مارنے کا سلسلہ جاری رکھا، جس نے 46 گیندوں پر پچاس رنز بنائے۔جب بارش دوبارہ شروع ہو ئی اور 15 اوورز میں ویسٹ انڈیز 81/0 پر تھا کہ میچ رک گیا۔ 35 اوورز میں اسے 157 رنز کانظر ثانی شدہ ہدف ملا۔ لیوس نے وہیں سے جاری رکھا جہاں سے انہوں نے چھوڑا، چوکے اور چھکے لگائے، جس میں 17ویں اوور میں عادل رشید کی گیند پر دو چوکے اور ایک چھکا بھی شامل تھا جس سے ویسٹ انڈیز کو 100 کا سکور پورا کرنے میں مدد ملی۔ افتتاحی اسٹینڈ، 118 کاتھا، اس وقت ختم ہوئی جب کنگ نے 30 رنز بنا کر روانہ ہوئے۔ کیسی کارٹی نے ناقابل شکست 19 رنز کے ساتھ تعاقب کو حتمی شکل دی۔
شکیب الحسن اگلی سیریز سے بھی باہر،چیمپئنز ٹرافی کیلئے پاکستان آئیں گے
انگلینڈ کے ٹاپ آرڈر بلے بازوں نے ٹاس ہارنے کے بعد امید افزا آغاز کیا لیکن وہ اس کا فائدہ اٹھانے میں کامیاب نہیں ہو سکے۔ سیلز نے فل سالٹ (18) اور ول جیکس (19) کوآئوٹ کیا فورڈ نے جورڈن کاکس (17) اور جیکب بیتھل (27) کو آؤٹ کیا۔ لیونگ اسٹون اور سیم کرن کے درمیان 72 رنز کی شراکت ہوئی، جس سے انگلینڈ نے مسابقتی ٹوٹل پوسٹ کرنے کی کوشش کی۔ 35 ویں اوور میں 165/4 سے انگلینڈ کو ایک بڑی تباہی کا سامنا کرنا پڑا وہ صرف 44 کا اضافہ کرسکے اور اپنے پورے اوورز تک بیٹنگ نہیں کر پائے، ویسٹ انڈیز 45.1 اوورز میں آئوٹ ہوا۔ تباہی اس وقت شروع ہوئی جب لیونگسٹون 48 کے سکور پر بولڈ ہو گئے۔ راشد اور آرچر نے انگلینڈ کو 200 سے آگے بڑھایا۔ٹیم 209 رنزبناکر آئوٹ ہوئی۔جیڈن سیلز، میتھیو فورڈ اور الزاری جوزف نے دو دو وکٹیں حاصل کیں جب کہ گڈاکیش موتی نے چار وکٹیں حاصل کیں۔
