- لندن ۔کرک اگین رپورٹ۔
کرکٹ بریکنگ نیوز۔ کرکٹ کے گھر لارڈز میں یہ کیا ہو رہا ہے۔ پچ کھود کر گڑھا بنا دیا گیا۔
کرکٹ کی دنیا سے ایک انتہائی حیران کن اور بڑی خبر سامنے آئی ہے۔ کرکٹ کا گھر کہلائے جانے والے تاریخی اسٹیڈیم، لارڈز کرکٹ گراؤنڈ سے ایک ایسا منظر دیکھا گیا ہے جو شاید اس سے پہلے موجودہ نسل میں کسی نے نہیں دیکھا۔ لارڈز کے مشہور اور تاریخی پویلین کے سامنے اس وقت کرکٹ کھیلنے کے بجائے بڑی بڑی مشینیں (ڈگرز) چل رہی ہیں اور پچ کے بالکل درمیان میں ایک بڑا اور گہرا گڑھا کھود دیا گیا ہے۔ ایسا لگتا ہے جیسے گراؤنڈ میں کسی نے قبر کھود رکھی ہو۔
لارڈز گراؤنڈ کی پچز کے حوالے سے گزشتہ چند سالوں سے مسلسل شکایات سامنے آ رہی تھیں۔ آخر کار انتظامیہ نے ایک بڑا اور سخت قدم اٹھاتے ہوئے یہاں کی ایک اہم پچ کو مکمل طور پر اکھاڑنے اور کھودنے کا فیصلہ کیا ہے۔
آخر ایسا کیوں کرنا پڑا؟ وجہ کیا بنی
لارڈز کے اس تاریخی اسکوائر پر کل 20 پچز ہیں۔ لیکن جس پچ کو کھودا گیا ہے، وہ ‘پچ نمبر 9’ ہے۔ یہ ان 5 مرکزی پچز میں سے ایک ہے جہاں سب سے بڑے اور اہم ترین انٹرنیشنل میچز کھیلے جاتے ہیں۔
اس پچ کو کھودنے کی سب سے بڑی وجہ جون میں انگلینڈ اور نیوزی لینڈ کے درمیان کھیلا گیا ٹیسٹ میچ بنا۔ اس میچ میں پچ کا رویہ انتہائی متنازع اور خراب تھا، جس پر بیٹنگ کرنا ناممکن ہو چکا تھا۔ انگلش بیٹر جیکب بیتھل ایک ایسی گیند پر بولڈ ہوئے جو بالکل زمین کے ساتھ رینگتی ہوئی آئی۔ اگر موسم خراب نہ ہوتا تو یہ ٹیسٹ میچ صرف دو دن کے اندر ہی ختم ہو جاتا۔مستقبل پر اس کا کیا اثر پڑے گا
کرکٹ شائقین کے لیے یہ کرکٹ کی خبریں یقیناً بڑی اہمیت رکھتی ہیں کیونکہ لارڈز کی اس پچ کو انٹرنیشنل کرکٹ کونسل نے بھی غیر تسلی بخش قرار دیا تھا۔ اب اس پچ کو بالکل نئے سرے سے تیار کیا جا رہا ہے تاکہ مستقبل میں یہاں بہترین اور معیاری کرکٹ دیکھنے کو مل سکے۔ گراؤنڈ کی انتظامیہ پچ کی مٹی اور نچلی سطح کو تبدیل کر کے اسے دوبارہ متوازن بنانے کے کام میں مصروف ہے۔
