دوحا۔کرک اگین رپورٹایشیا کپ رائزنگ سٹار،پاکستان فائنل میں پہنچ گیا،بھارت کیلئے ٹرافی اور تنازعہ ختم،کرکٹ بریکنگ نیوز ہے کہ ۔ایشیا کپ رائزنگ سٹار کے دوسرے سیمی فائنل میں پاکستان شاہینز نے سری لنکا اے کو سنسنی خیز مقابلے کے بعد 5 رنز سے شکست دے کر فائنل میں جگہ بنالی۔جہاں اس کا اتوار کو بنگلہ دیش اے سے مقابلہ ہوگا۔دوحا میں سری لنکا اختتامی لمحات میں امپائر کے ایک فیصلے سے بدقسمتی کا شکار ہوگیا۔بھارت کیلئے ٹرافی مسئلہ ختم ہوگیا،کیونکہ وہ بنگلہ دیش اے سے پہلے سیمی فائنل میں سپر اوور میں ہارگیا تھا۔
ایشیا کپ رائزنگ سٹار کے دوسرے سیمی فائنل میں سری لنکا نے ٹاس جیت کر پاکستان کو پہلے بیٹنگ کی دعوت دی۔پاکستان شاہینز ٹیم ابتدائی 5 وکٹیں جلد گنوانے کے باوجود مقررہ 20 اوورز میں 9 وکٹوں پر 153 رنز بنانے میں کامیاب ہوگئی۔معاذ صداقت 23 کرسکے۔محمد نعیم نے 16 کئے۔غازی غوری نے 39 اور سعد مسعود کے ساتھ احمد دانیال کے بنائے گئے 22۔22 رنز نے مدد دی۔پرمود مدوشن نے 4 وکٹیں لیں۔ٹریون میتھیو نے 3 آئوٹ کئے۔
جواب میں سری لنکا نے اے پاکستان کے مقابلہ میں اچھا آغاز کیا۔ابتدائی 6 اوورز کے پاور پلے میں2 وکٹ پر 67 رنز بنائے۔لاستھ 27 اور نشان 6 کرکے آئوٹ ہوئے۔
اگلے 4 اوورز کے کھیل میں سفیان مقیم نے صورتحال ہی بدل دی۔سری لنکا اے یکدم 80 رنز 6 وکٹ ہوگیا اور پاکستان ٹاپ پر آگیا۔سفیان نے اوپر تلے 3 وکٹیں لیں۔سفیان مقیم نے شروع کے 2 اوورز میں 4 رنز دے کر 3 وکٹیں لیں۔91 رنز پر پاکستان نے 7 ویں کامیابی حاصل کرلی۔پاکستان نے 99 رنز پر 8 ویں وکٹ بھی اڑادی لیکن اس کے بعد ملن رتنائیکے اور تروین میتھیو نے شاندار مزاحمت کی اور میچ کو دلچسپ بنادیا۔آخری 12 بالز پر 21 رنز باقی تھے۔آخری 6 بالز پر 15 رنز باقی رہ گئے۔
ایشیا کپ رائزنگ سٹار،بڑا ڈرامہ،بھارت اے باہر،بنگلہ دیش فائنل میں پہنچ گیا
آخری اوور میں عبید شاہ نے پہلی ہی بال وائیڈ کردی،ساتھ میں فاصل رنز بھی بنایا گیاجسے بائی کا سکور کہتے ہیں۔اگلی بال بھی وائیڈ ہوگئی۔یوں3 رنزبناکسی بال کے بن گئے۔اگلی بال ڈاٹ بال،اس سے اگلی پر چوکا،ااور پھر ایل بی کی متنازعہ وکٹ پاکستان کے حق میں گئی۔رتنائیکے کو 40 پر ایل بی قرار دے دیاگیا۔اگلی بال پر سنگل اور اب 2 بالز پر 7 رنزباقی تھے۔پھر ایک بال پر 6 رنز رہ گئے۔پاکستان 5 رنز سے جیت گیا۔سری لنکا اے 9 وکٹ پر 148 رنز تک محدود رہا۔
سفییان مقیم نے 4 اوورز میں 12 اور سعد مسعود نے 18 رنز دے کر 3،3 وکٹیں لیں۔
دوسرے سیمی فائنل کی فاتح ٹیم کا مقابلہ ایشیا کپ رائزنگ سٹار فائنل میں اتوار 23 نومبر 2025 کو ہوگا۔
پی سی بی کے مطابق جمعہ کو کھیلے گئے سیمی فائنل میں اس نے دلچسپ مقابلے کے بعد سری لنکا اے کو 5 رنز سے شکست دیدی۔اتوار کو ہونے والے فائنل میں پاکستان شاہینز کا مقابلہ بنگلہ دیش اے سے ہوگا جس نے پہلے سیمی فائنل میں انڈیا اے کو سپر اوور میں شکست دی۔پاکستان شاہینز نے ٹورنامنٹ میں اپنے تینوں گروپ میچز عمان، انڈیا اے اور متحدہ عرب امارات کے خلاف جیتے تھے۔ویسٹ اینڈ پارک انٹرنیشنل کرکٹ سٹیڈیم میں کھیلے گئے سیمی فائنل میں سری لنکا اے نے ٹاس جیت کر پاکستان شاہینز کو بیٹنگ دی جس نے مقررہ 20 اوورز میں 9 وکٹوں کے نقصان پر 153 رنز بنائے۔جواب میں سری لنکا اے 20 اوورز میں 9 وکٹوں پر 148 رنز بنانے میں کامیاب ہوسکی۔
پاکستان شاہینز کی اننگز میں غازی غوری نے ذمہ داری سے بیٹنگ کرتے ہوئے 2 چوکوں اور ایک چھکے کی مدد سے39 رنز سکور کیے اور آؤٹ نہیں ہوئے۔ انہوں نے62 رنز پر5 وکٹیں گرجانے کےبعد سعد مسعود کے ساتھ چھٹی وکٹ کی شراکت میں قیمتی 47رنز کا اضافہ کیا۔ سعد نے تین چوکوں کی مدد سے 22 رنز بنائے۔غازی غوری نے احمد دانیال کے ساتھ آٹھویں وکٹ کی شراکت میں 24 رنز کا اضافہ کیا۔ دانیال نے3 چھکوں کی مدد سے 22 رنز کی اننگز کھیلی ۔معاذ صداقت نے 2 چھکوں اور 2 چوکوں کی مدد سے 23رنز سکور کیے۔محمد نعیم 16 کپتان عرفان خان 6 یاسرخان 6 اور محمد فائق7 رنز بناکر آؤٹ ہوئے۔
سری لنکا اے کی طرف سے پرامود مدوشان نے29 رنز دے کر 4 اور تراوین میتھیو نے22 رنز دے کر 3 وکٹیں حاصل کیں۔
سری لنکا اے کی اننگز میں ملن رتنائیکے نے 5 چوکوں اور ایک چھکے کی مدد سے 40 رنز بنائے۔
وشن ہلمباگے نے2 چوکوں اور 3چھکوں کی مدد سے 29 رنز سکور کیے۔ لستھ کروسپولے نے3 چھکوں اور 2 چوکوں کی مدد سے 27رنز بنائے۔پاکستان شاہینز کی طرف سے سفیان مقیم نے 13 رنز دے کر 3 وکٹیں حاصل کیں۔سعد مسعود نے بھی 3 وکٹیں 18رنز دے کر حاصل کیں۔احمد دانیال عبید شاہ اور شاہد عزیز نے ایک ایک وکٹ حاصل کی۔
