ایشیا کپ اور بھارت کے ہنگامی دورہ سری لنکا کا فیصلہ اگلے 3 روز میں ،کوہلی اور شرما اگلے ماہ ایکشن میں

کرک اگین رپورٹ۔ایشیا کپ اور بھارت کے ہنگامی دورہ سری لنکا کا فیصلہ اگلے 3 روز میں ،کوہلی اور شرما اگلے ماہ ایکشن میں۔کرکٹ بریکنگ نیوز یہ ہے کہ ایشیا کپ کا فیصلہ اگلے 72 گھٹے میں ہونے والا ہے۔راویتی اعلان درکار ہے۔ادھر سری لنکا کرکٹ بورڈ نے نے اگست میں مختصر وائٹ بال سیریز کی میزبانی کرنے کی درخواست کے ساتھ بورڈ آف کنٹرول فار کرکٹ ان انڈیا کا دروازہ کھٹکھٹایا ہے۔ یہ تجویز ہ بھارت کے دورہ بنگلہ دیش کی منسوخی کے تناظر میں سامنے آئی ہے۔ جب کہ بی سی سی آئی نے ابھی تک باضابطہ طور پر کوئی جواب نہیں دیا ہے، اگر سیریز ہوئی تو اس میں روہت شرما اور ویرات کوہلی کی واپسی نظر آسکتی ہے۔ دونوں فی الحال تین میں سے دو فارمیٹس سے باہر ہیں اور صرف ون ڈے میں کھیل رہے ہیں۔

 سری لنکا  نے 6وائٹ بال میچز کی تجویز پیش کی ہے ۔ تین ون ڈے اور تین ٹی ٹوئنٹی ۔ اگست کی ونڈو کے دوران  بھارت کو بنگلہ دیش میں کھیلنا تھا۔ وہ دورہ 2026 تک ملتوی ہوچکا ہے۔بی سی سی آئی اب  اپنے اختیارات پر غور کر رہا ہے۔ ایشیا کپ کے حوالے سے اس کے فیصلے پر بہت کچھ انحصار  ہے۔  اس کا مطلب یہ نہیں ہے کہ ایشیا کپ اور سری لنکا سیریز دونوں نہیں ہو سکتیں، لیکن بی سی سی آئی مناسب طور پر،کسی فیصلے پر پہنچنے سے پہلے کھلاڑیوں اور کوچز سے مشورہ کرنا چاہتا ہے۔

ایشیا کپ کا فیصلہ 2 سے 3 روز میں ممکن

ایشیا کپ کے بارے میں فیصلہ اگلے دو دنوں میں متوقع ہے اور یہ براعظمی چیمپئن شپ کے بارے میں بی سی سی آئی کی پوزیشن پر منحصر ہے جس میں روایتی حریف پاکستان، جس کے ساتھ یہ ملک کچھ عرصہ قبل فوجی تنازع میں مصروف تھا،شامل ہوگا۔ٹورنامنٹ کے میزبان کے طور پر،بی سی سی آئی کو حتمی فیصلہ کرنا پڑے گا، ایسا فیصلہ جو قدرتی طور پر حکومت ہند کے مشورے سے لیا جائے گا۔ ایشیا کپ کا انعقاد 7 سے 27 ستمبر تک متوقع ہے۔

بی سی سی آئی کے سکریٹری دیواجیت سائکیا اس ہفتے لارڈز ٹیسٹ کے لیے لندن میں ہوں گے اور میچ کے دوران یا بعد میں کھلاڑیوں، ہیڈ کوچ گوتم گمبھیر اور چیف سلیکٹر اجیت اگرکر سے بات چیت کا امکان ہے۔ توقع ہے کہ ان مشاورت کے بعد سری لنکا کی درخواست کا جواب دے گا۔

روہت شرما اور ویرات کوہلی سری لنکا میں  ون ڈے میں شامل ہوں گے۔ ہندوستان کو اصل میں بنگلہ دیش میں 17 سے 31 اگست تک چھ وائٹ بال میچ کھیلنا تھے، لیکن بی سی سی آئی اور بنگلہ دیش کرکٹ بورڈ دونوں نے سیریز کو اگلے سال تک موخر کر دیا تھا۔