ملتان انٹرنیشنل کرکٹ سٹیڈیم سے عمران عثمانی۔دنیا میں کتنے ٹیسٹ 2 روز میں،پاکستان میں پہلے کبھی ایساہوا،ویسٹ انڈیز آخری بار یہاں کب میچ جیتا،کرکٹ کی تازہ ترین خبریں یہ ہیں کہ پاکستان بمقابلہ ویسٹ انڈیز،دوسرا ٹیسٹ۔دوسرا دن۔کیا یہ میچ آج دوسرے ہی روز ختم ہوجائے گا۔اگر ایسا ہوا تو کیا ہوگا۔کیا یہ ممکن ہے۔ممکن کیوں نہیں،جب پہلے روز 20 وکٹیں گرگئی ہیں اور دونوں اننگز مکمل ہوگئی ہیں تو یہ سب دوسرے روز بھی ممکن ہے۔
ٹیسٹ کرکٹ میں ایسا کئی بار ہوچکا ہے کہ ایک ٹیسٹ میچ دو دن میں مکمل ہوا ہو اور تیسرے روز تک بھی نوبت نہ آئی ہو۔ہم آپ کو یہاں 3 باتیں بتانے والے ہیں۔
پہلی بات یہ کہ ٹیسٹ کرکٹ میں کتنے ٹیسٹ میچز 2 روز میں ختم ہوئے اور کہاں۔کیا پاکستان میں ٹیسٹ میچ کبھی دو روز میں مکمل ہوا؟ویسٹ انڈیز نے پاکستان میں آخری بار ٹیسٹ میچ کب جیتا تھا۔
دنیائے کرکٹ کی 148 سال قریب تاریخ میں اب تک 25 ٹیسٹ میچز 2 دن میں ختم ہوچکے ہیں۔آخری بار کیپ ٹائون میں جنوری 2024 میں جنوبی افریقا کو بھارت نے 2 دن میں ہرایا تھا۔پاکستان بیرون ملک شارجہ میں آسٹریلیا سے 2 روز میں ٹیسٹ میچ ہارچکا ہے۔اکتوبر 2002 میں ایسا ہوا تھا۔پاکستانی سرزمین پر اب سے پہلے تک کبھی کوئی ٹیسٹ میچ 2 دن میں ختم نہیں ہواہے۔ملتان ٹیسٹ پاکستان ٹیسٹ ہسٹری میں یوں 2 دن میں ختم ہوکرنئی تاریخ رقم کرسکتا ہے۔
ہیٹ ٹرک ہولڈر گھبراہٹ میں،پینک بٹن آن،ملتان کے دوسرے ٹیسٹ کا نتیجہ کب اور کیا،سب واضح
ویسٹ انڈیز نے پاکستانی سرزمین پر جو 23 ٹیسٹ میچزکھیل رکھے ہیں۔ان میں سے 4 جیتے ہیں اور 10 ہارے ہیں۔8 میچز ڈرا کھیلے ہیں۔ویسٹ انڈیز نے پاکستان میں صرف 1980 کی ایک ٹیسٹ سیریز جیتی ہے۔پاکستان نے ہوم میدانوں میں 3 سیریز اپنے نام کی ہیں۔3 سیریز ڈرا ہوئی ہیں۔ویسٹ انڈیز نے آخری بار پاکستان میں 2006 میں دورہ کیا تھا اور 3 میچزکی ٹیسٹ سیریز 0-2 سے ہارا تھا۔
پاکستان بمقابلہ ویسٹ انڈیز۔پاکستانی سرزمین پر ویسٹ انڈیز کو ٹیسٹ جیتے 35 سال ہونے کو ہیں۔آخری بار 1990 میں فیصل آباد کے مقام پر ویسٹ انڈیز نے پاکستان 8 وکٹ سے ہرادیا تھا۔اقبال سٹیڈیم میں پاکستان پہلے کھیلا تھا اور 170 اسکور کرسکا تھا۔ویسٹ انڈیز نے 195 رنزبنائے اور 25 رنزکی سبقت لی۔پاکستا ن دوسری باری میں 154 پر باہر ہوا۔یوں مہمان ٹیم نے ہدف 130 رنز3 وکٹ بناکر میچ 7 وکٹ سے جیتا تھا۔عمران خان اور ڈسمینڈ ہینز کپتان تھے۔
کیا ویسٹ انڈیز 35 سال کے قریب عرصے بعد پاکستان میں ٹیسٹ جیت سکتا،،اس کا جواب بھی آج ملے گا۔ان 35 برس میں اس نے پاکستانی سرزمین پر جو 8 ٹیسٹ میچ اس فتح کے بعد کھیلے۔6 ہارے اور صرف 2 ڈرا کھیلے تھے۔
پہلا سوال مزے کا،دوسرا آپ نے مزے لینے کیلئے کیا،نعمان علی کے جواب پر مسکراہٹیں