آئی پی ایل،بل ادا نہ کرنے پر بجلی منقطع،بھارت میں کس کا میچ خطرے میں
حیدر آباد،کرک اگین رپورٹ
آئی پی ایل،بل ادا نہ کرنے پر بجلی منقطع،بھارت میں کس کا میچ خطرے میں۔کرکٹ کی تازہ ترین خبریں یہ ہیں کہ مقامی کمپنی یلنگانہ اسٹیٹ سدرن پاور ڈسٹری بیوشن کمپنی لمیٹڈ نے جمعہ کو اپل اسٹیڈیم میں شیڈول آئی پی ایل 2024 میں سن رائزرز حیدر آباد بمقابلہ چنائی سپرکنگز میچ سے قبل اسٹیڈیم کو بجلی کی فراہمی منقطع کردی ہے۔ یہ اقدام حیدرآباد کرکٹ ایسوسی ایشن کی جانب سے 1,63,94,521 روپے (تقریباً 1.6 کروڑ روپے) کے بجلی کے بل کو ادا کرنے میں ناکام ہونے کے بعد سامنے آیا ہے۔
محکمہ بجلی نے 3,05,12,790 کروڑ روپے کے زیر التواء واجبات کی ادائیگی کے لیے متعدد نوٹس بھیجے تھے۔ اس رقم میں سے 1,41,18,269 روپے اصل واجبات تھے اور 1.6 کروڑ روپے سرچارج کی رقم تھی۔مقامی انتظامیہ نے درخواست کی تھی کہ وبائی مرض کے پیش نظر اس سرچارج کو معاف کر دیا جائے۔ بجلی بورڈ نے ایسا کرنے سے انکار کر دیا اور انہیں رقم کی ادائیگی کے لیے رواں سال فروری میں ایک اور نوٹس بھیجا تھا۔
ایچ سی اے یہ رقم ادا کرنے میں ناکام رہا، اس لیے اسٹیڈیم کو بجلی کی فراہمی منقطع کر دی گئی ہے۔ بورڈ آف کرکٹ کنٹرول ان انڈیا (BCCI) حیدرآباد اور تلنگانہ کے دیگر اضلاع میں کرکٹ سرگرمیوں کو کنٹرول کرتا ہے۔
