ملتان،کرک اگین رپورٹ۔ملتان ٹیسٹ،رضوان اور سعود شکیل پاکستان کو بچانے میں کامیاب،دونوں کی ففٹیز۔کرکٹ کی تازہ ترین خبریں یہ ہیں کہ ملتان ٹیسٹ میں پاکستان نے پہلے دن کھیل کے اختتام پر 4 وکٹوں کے نقصان پر 143رنز بنا لئے۔پہلے سیشن میں موسم کی خرابی کی وجہ کھیل کا انعقاد نہ ہوسکا، دوسرے سیشن میں ویسٹ انڈیز بائولرز چھائے رہے۔
، تین کھلاڑی ڈبل فگر میں داخل نہ ہوسکے ۔محمد رضوان اور سعود شکیل کی ذمہ دارانہ بیٹنگ ۔ڈین سیلز کے 3 شکار۔
ملتان کرکٹ سٹیڈیم میں جاری پاکستان ویسٹ انڈیز ٹیسٹ سیریز کے پہلے میچ کے پہلے روز پاکستانی بیٹنگ لائن لڑکھڑا نے کے بعد سنبھل گئی۔رضوان اور سعود نے پانچویں وکٹ پر 97 رنزکی شراکت بنالی ہے۔ابتدائی 3 وکٹیں 15 رنز کے اضافے کا سبب بن سکی۔ڈیبیو کرنے والے محمد ہریرہ 16 کے مجموعی سکور پر جےڈین سیلز کی گیند پر املاچ کو کیچ دے بیٹھے، وہ صرف 6 رنز بنا سکے۔دوسری وکٹ 4 رنز اضافے کے بعد 20 کے مجموعی سکور پر گری جب کپتان شان مسعود موٹی کی گیند پر املاچ کے ہاتھوں کیچ آؤٹ ہوگئے، ، انہوں نے 1 چوکے کی مدد سے 11 رنز سکور کیے۔تیسرا نقصان پاکستان کو کامران غلام کی صورت میں اٹھانا پڑا جب جےڈین سیلز کی گیند پر ایل بی ڈبلیو آؤٹ ہوگئے، 5 رنز کی اننگ میں 1 چوکا شامل تھا۔چوتھے آؤٹ ہونے والے بیٹر بابر اعظم تھے، جنہوں نے 20 گیندوں کا سامنا کرتے ہوئے 8 رنز بنائے اور جےڈین کی گیند پر املاچ کے ہی ہاتھوں کیچ آؤٹ ہوئے۔
ویسٹ انڈیز کا ملتان میں 113 برس بعد نیا ریکارڈ
سعود شکیل نے اپنے کیرئیر کی نویں نصف سنچری مکمل کی اورمحمد رضوان نے ان کا ساتھ دیتے ہوئے ٹیسٹ کی 11ویں نصف
مکمل کی۔کھیل کے اختتام پر سعود شکیل 56 جبکہ محمد رضوان 51 پر ناٹ آؤٹ کریز پر موجود تھے، دونوں بلے بازوں کے درمیان 97 کی پارٹنرشپ قائم ہوچکی ہے۔ویسٹ انڈیز کی جانب سے جےڈین سیلز نے 3 جبکہ گڈاکیش موٹی نے 1 وکٹ حاصل کی۔تیسرے سیشن میں محمد رضوان اور سعود شکیل کی ذمہ دارانہ بیٹنگ کی بدولت سکور بورڈ پر 143 کا ہندسہ تشکیل دینے میں کامیاب ہوئے۔
پہلا ٹیسٹ،ویسٹ انڈیز کاپاکستان کیخلاف تباہ کن آغاز،4 وکٹیں اڑادیں،آخری سیشن کیلئے لائٹس آن
