لاہور،کرک اگین
رضوان کا گلے لگانے کایکشن شاہین آفریدی کو پسند نہ آیا،لمبی گھوریاں۔پاکستان سپر لیگ 7 میں دلچسپ واقعات کا سلسلہ بھی جاری ہے،قذافی اسٹیڈیم لاہور میں جاری میچ کے دوران دونوں اننگز میں دونوں اوپنرزکے معاملہ پر عجب اتفاق ہوا ہے۔پہلے لاہور قلندرز نے بیٹنگ کی،فخرزمان کو پڑنے والا تھرو ہیڈ لائنز بن چکاہے۔کرک اگین بھی خبر دے چکا،یہاں دوسری اننگ میں بھی عجب ڈرامہ ہوا۔
فخرزمان کا رن آئوٹ ڈرامہ،ملتان سلطانز کی گیم آف سپرٹ پر سوالات،رضوان بھی زد میں
ملتان سلطانز کے کپتان محمد رضوان کے ساتھ ایسا واقعہ پیش آتے ٓ آتے رہ گیا۔شاہین نے علامتی طور پر انہیں تھرو ماردیا۔جواب میں رضوان نے محبت بھرا پیغام دیا تو پیسر غصہ میں آگئے۔شاہین شاہ آفریدی کی بال کو رضوان نے سیدھا کھیلا،وہ رنز کے لئے بھی نہیں دوڑے لیکن شاہین نے لپک کر بال اٹھانے کی کوشش کی،بال ہاتھ میں بھی نہیں آئی،اس کے باوجود شاہین نے رضوان کی جانب تھرو مارنے کاا یکشن لیا۔اس پر رضوان نے بانہیں کھول دیں اور بازو پھیلانے کے بعد اپنے سینے سے ملاتے ہوئے گویا کہا کہ تم ماروگے بھی تو ہم گلے لگائیں گے۔
محمد رضوان اس ایکشن کے دوران کھلکھلاکر ہنس رہے تھے،شاہین شاہ آفریدی ان کے اس عمل پر جیسے چڑسے گئے۔غصے سے کافی دیر انہیں گھورتے رہے،پھر واپس اپنے بائولنگ لائن کے نشان پر پلٹے۔
محمد رضوان اپنے قدموں پر کھڑے ہی رہ گئے۔کرکٹ فینز نے ااس عمل پر خوب رد عمل دیا ہے،مختلف تبصرے کئے ہیں۔
پاکستان سپر لیگ 7 میں ملتان سلطانز کی شکست کے آثار واضح ہورہے ہیں،ٹاپ آرڈ اڑگیا ہے۔
