پاک،بھارت میچ،ٹکٹ کے لئے ہزاروں لمبی لائنیں،150 منٹ میں فروخت

دبئی،کرک اگین رپورٹ

پاک،بھارت کرکٹ میچ کی ٹکٹیں فروخت۔ایشیا کپ کے پہلے مرحلہ کے پاک بھارت میچ کی ٹکٹیں 2 گھنٹے اور 30 منٹ میں فروخت ہوئی ہیں۔دبئی  میں 28 اگست کے شیڈول میچ کی ٹکٹوں کی فروخت کا آغاز آج شام کیا گیا گیا تھا۔ایشین کرکٹ کونسل نے اعلان کیا ہے کہ پاکستان اور بھارت کے میچ کی ٹکٹیں 150 منٹ میں فروخت ہوگئی ہیں۔

متحدہ عرب امارات میں کرکٹ شائقین کو ایشیا کپ کے میچوں کے ٹکٹ حاصل کرنے کے لیے  طویل اور اذیت ناک انتظار کرنا تھا۔ کچھ رہائشی پیر کی صبح 4.30 بجے سے ہی قطار میں کھڑے تھے، صرف دوپہر کو بتایا گیا کہ ٹکٹوں کی فروخت شام 6 بجے شروع ہوگی۔

کچھ شائقین نے اپنے ٹکٹ دوبارہ بیچنے کی کوشش کی۔ ایک صارف نے پلاٹینم لسٹ کے ٹوئٹر پیج پر پوسٹ کیا کہ اس کے پاس چار ٹکٹیں ہیں جنہیں وہ اصل قیمت سے تھوڑا زیادہ میں فروخت کرنے کو تیار ہے۔ ٹکٹنگ پلیٹ فارم نے اسے فوری طور پر جواب دیا، ٹکٹوں کو دوبارہ بیچنا سختی سے ممنوع ہے اور ری سیلرز کے ٹکٹ خود بخود منسوخ ہو جاتے ہیں۔

دوسرے مرحلہ کے میچ کی ٹکٹیں جلد ہی فروخت کے لئے پیش کی جائیں گی۔اب یہ بھی اعلان کیا گیا ہے کہ ہمارے پاس اب مہمان نوازی اور دیکھ بھال کے لئے رکھی گئی چند ٹکٹیں باقی بچی ہیں،ایک کی قیمت 2500 درہم ہے۔

پاکستان بمقابلہ نیدرلینڈز،سپرلیگ ٹیبل،بابر اور رضوان کے لئے مواقع

انتہائی زیادہ مانگ  کی وجہ سے پلاٹینم لسٹ نے پہلے آئیے، پہلے  پائیے والی  پالیسی ترتیب دی اور دبئی اور شارجہ میں ہونے والے میچوں کے لیے علیحدہ لنکس بنائے۔

ایک رہائشی ظفر محمود نے گلف نیوز کو بتایا ہے  کہ وہ تقریباً تین گھنٹے تک قطار میں کھڑا رہا، صرف یہ معلوم کرنے کے لیے کہ پاک بھارت میچ کے سستے ٹکٹوں کی پہلی کھیپ فروخت ہو گئی۔شام 6 بجے ویب سائٹ پر قطار میں کھڑے ہونے کے بعد، اس نے 7500 سے زیادہ لوگوں کو اپنے آگے دیکھا، جس کا انتظار ایک گھنٹے سے زیادہ کا تھا۔انہوں نے کہا کہ ایک گھنٹے کا انتظار کا دورانیہ اگلے تین گھنٹے تک یکساں رہا۔