پاکستان اور نیدر لینڈ کرکٹ سیریز طے،شیڈول جاری

 

 

لاہور، 20 اپریل 2022ء,پی سی بی میڈیا ریلیز

Pcb image

 

پاکستان اور نیدرلینڈز کے مابین دو طرفہ ون ڈے انٹرنیشنل سیریز اگست میں روٹرڈم میں کھیلی جائے گی۔ سیریز میں شامل تین ون ڈے انٹرنیشنل میچز 16، 18 اور 21 اگست کو کھیلے جائیں گے۔

اس سے قبل یہ سیریز جولائی 2020 میں کھیلی جانی تھی۔ تینوں میچز آئی سی سی مینز کرکٹ ورلڈ کپ سپر لیگ کا حصہ ہیں۔

دونوں ٹیمیں اس طرز کی کرکٹ میں آخری مرتبہ آئی سی سی مینز کرکٹ ورلڈ کپ 2003 میں مدمقابل آئی تھیں۔

آئی سی سی مینز ورلڈ کپ سپر لیگ میں پاکستان نے اپنے 12 میں سے 6 میچز جیت رکھے ہیں جبکہ نیدرلینڈز کی ٹیم 10 میں سے صرف 2 میچز ہی جیت سکی ہے۔

ذاکر خان، ڈائریکٹر انٹرنیشنل پی سی بی:

ڈائریکٹر انٹرنیشنل پی سی بی ذاکر خان نے کہا انہیں خوشی ہے کہ میزبان بورڈ کے تعاون سے وہ اس سیریز کو ری شیڈول کرنے میں کامیاب رہے ہیں۔ یہ سیریز نیدرلینڈز میں کرکٹ کے فروغ اور ترقی کے لئے بہت اہم ہے۔

انہوں نے کہا کہ قومی کرکٹ ٹیم کا سیزن 22-2021شاندار رہا ہے، وہ پر اعتماد ہیں کہ قومی کھلاڑی بہترین کارکردگی کا تسلسل برقرار رکھتے ہوئے نیدرلینڈز کے فینز کو بہترین تفریح فراہم کریں گے۔

شیڈول

16 اگست: پہلا ون ڈے انٹرنیشنل میچ؛ وی او سی  گراؤنڈ روٹرڈم
18 اگست: دوسرا ون ڈے انٹرنیشنل میچ؛ وی او سی کرکٹ گراؤنڈ روٹرڈم
21 اگست: تیسرا ون ڈے انٹرنیشنل میچ؛ وی او سی کرکٹ گراؤنڈ روٹرڈم

-ENDS-